நீண்ட காலமாக காத்திருப்பில் இருக்கும் விக்ரமின் ‘துருவ நட்சத்திரம்’ குறித்து இசையமைப்பாளர் ஹாரிஸ் ஜெயராஜ் ட்வீட்.
விக்ரம்தமிழ் சினிமாவில் முன்னணி நடிகராக திகழ்பவர் விக்ரம். இவர் தற்போது பா. ரஞ்சித் இயக்கத்தில் புதிய படம் ஒன்றில் நடித்து வருகிறார். மேலும் வரும் ஏப்ரலில் இவர் ஆதித்ய கரிகாலனாக நடித்துள்ள ‘பொன்னியின் செல்வன்’ படத்தின் இரண்டாம் பாகம் வெளியாகயிருக்கிறது. இந்நிலையில் நீண்ட காலமாக ரிலீஸ் ஆகாமல் இருக்கும் விக்ரமின் ‘துருவ நட்சத்திரம்’ குறித்த புதிய தகவல் வெளியாகியுள்ளது.
ஆதித்ய கரிகாலனாக விக்ரம்கடந்தாண்டு விக்ரம் நடிப்பில் பொன்னியின் செல்வன், கோப்ரா படங்கள் வெளியானது. மணிரத்னம் இயக்கத்தில் மல்டி ஸ்டார் படமாக வெளியான பொன்னியின் செல்வன் இரண்டு பாகங்களாக உருவாகியுள்ளது. விக்ரம், கார்த்தி, ஜெயம் ரவி, ஐஸ்வர்யா ராய், திரிஷா, ஐஸ்வர்யா லஷ்மி உள்ளிட்ட மிகப்பெரிய நட்சத்திர பட்டாளங்களே நடித்துள்ளனர், இந்தப்படம் வரும் ஏப்ரல் மாதம் வெளியாகவுள்ளது.
பா. ரஞ்சித் இயக்கத்தில் உருவாகும் தங்கலான்இந்தப்படங்களை தொடர்ந்து பா. ரஞ்சித் இயக்கத்தில் தனது 61 ஆவது படத்தில் நடிக்க கமிட் ஆனார் விக்ரம். கே.இ. ஞானவேல் ராஜா தயாரிப்பில் உருவாகும் இந்தப்படத்திற்கு ‘தங்கலான்’ என டைட்டில் வைக்கப்பட்டு கடந்தாண்டு பூஜையுடன் இதன் படப்பிடிப்பு துவங்கியது. விக்ரமுடன் பாரவதி, மாளவிகா, பசுபதி, கலையரசன் உள்ளிட்டோர் இந்தப்படத்தில் நடித்து வருகின்றனர். ஜி.வி. பிரகாஷ் குமார் இந்தப்படத்திற்கு இசையமைக்கிறார்.
கிடப்பில் போடப்பட்ட துருவ நட்சத்திரம்இதனிடையில் விக்ரம் நடிப்பில் உருவாகி நீண்ட காலமாக கிடப்பில் போடப்பட்டிருக்கும் ‘துருவ நட்சத்திரம்’ படத்தின் ரிலீஸ் வேலைகள் விறுவிறுப்பாக நடந்து வருவதாக தகவல்கள் வெளியாகியுள்ளன. கடந்த 2017 ஆம் ஆண்டு விக்ரம், கெளதம் கூட்டணியில் துவங்கப்பட்ட படம் ‘துருவ நட்சத்திரம்’. பைனான்ஸ் உள்ளிட்ட பிரச்சனைகளால் இந்தப்படம் நீண்ட காலமாக ரிலீஸ் ஆகாமல் கிடப்பில் போடப்பட்டிருந்தது.
ஹாரிஸ் ஜெயராஜ் ட்வீட்இதனால் விக்ரம், கெளதம் இருவருமே தங்களின் அடுத்தடுத்த படங்களில் பிசியானார்கள். இதனையடுத்து கடந்த வருட இறுதியில் இந்தப்படத்தின் வேலைகள் மீண்டும் துவங்கப்பட்டது. இந்நிலையில் கெளதம் மேனனின் பிறந்தநாளை முன்னிட்டு இந்தப்படத்தின் அல்டிமேட் அப்டேட் தற்போது வெளியாகியுள்ளது. இது தொடர்பாக ஹாரிஸ் ஜெயராஜ் தனது ட்விட்டர் பக்கத்தில், டால்பி 9.1.4 தொழில்நுட்பத்தில் ‘துருவ நட்சத்திரம்’ படத்தின் பின்னணி இசை உருவாகி வருவதாக தெரிவித்துள்ளார்.
விரைவில் ரிலீசாகும் துருவ நட்சத்திரம்மேலும் படம் விரைவில் திரையரங்குகளில் வெளியாகும் என்றும் தெரிவித்துள்ளார். ‘துருவ நட்சத்திரம்’ படத்தில் விக்ரமுடன் ஐஸ்வர்யா ராஜேஷ், ரிதுவர்மா, பார்த்திபன், சிம்ரன், திவ்யதர்ஷினி, விநாயகன், ராதிகா சரத்குமார், வம்சி கிருஷ்ணா உள்ளிட்டோர் நடித்து வருகின்றனர். கெளதம் மேனன் தற்போது விஜய்யின் ‘லியோ’ படத்தில் நடித்து வருவது குறிப்பிடத்தக்கது.