‘வாத்தி’ படம் விஜய்யின் ‘வாரிசு’ பட வசூலை முந்தியுள்ளதாக வெளியாகியுள்ள தகவல் தனுஷ் ரசிகர்கள் மத்தியில் கொண்டாட்டத்தை ஏற்படுத்தியுள்ளது.
தனுஷ்தனுஷ் நடிப்பில் அண்மையில் வெளியான படம் ‘வாத்தி’. தமிழ், ஹாலிவுட், பாலிவுட் என கலக்கி வந்த தனுஷ் ‘வாத்தி’ படத்தின் மூலம் தெலுங்கிலும் தடம் பதித்தார். இந்தப்படத்திற்கு ரிலீசானதில் இருந்து நல்ல விமர்சனங்கள் கிடைத்தது. இந்நிலையில் ‘வாத்தி’ படம் இதுவரையில் வசூலித்தது குறித்த அதிகாரப்பூர்வ தகவல்கள் வெளியாகி இணையத்தை கலக்கி வருகிறது.
திருச்சிற்றம்பலம் படைத்த சாதனைகடந்த ஆண்டு தனுஷ் நடிப்பில் திருச்சிற்றம்பலம், நானே வருவேன் படங்கள் வெளியானது. இந்த இரண்டு படங்களும் ரசிகர்கள் மத்தியில் நல்ல வரவேற்பினை பெற்ற நிலையில் ‘திருச்சிற்றம்பலம்’ படம் 100 கோடி வரை வசூலித்து சாதனை படைத்தது. மித்ரன் ஜவஹர் இயக்கியிருந்த இந்தப்படத்தில் ப்ரியா பவானி சங்கர், நித்யா மேனன், ராஷி கண்ணா உள்ளிட்டோர் நடித்திருந்தனர். நீண்ட இடைவேளைக்கு தனுஷ், அனிருத் கூட்டணி இந்தப்படத்தில் இணைந்தது.
வாத்தியாக மாறிய தனுஷ்இந்தப்படங்களுக்கு பிறகு தமிழ், தெலுங்கு மொழியில் உருவான ‘வாத்தி’ படத்தில் நடித்தார். வெங்கி அட்லூரி இயக்கத்தில் வெளியான இந்தப்படத்தின் மூலம் சம்யுக்தா தமிழ் சினிமாவில் ஹீரோயினாக அறிமுகமானார். சித்தாரா எண்டர்டெயின்மென்ட் தயாரித்த இந்தப்படத்தில் சமுத்திரக்கனி வில்லனாக நடித்தார். கென் கருணாஸ், ஆடுகளம் நரேன், இளவரசு, மொட்ட ராஜேந்திரன் உள்ளிட்டோர் ‘வாத்தி’ படத்தில் நடித்தனர்.
தனுஷுக்கு வில்லனான சமுத்திரக்கனிதெலுங்கி ‘சார்’ என வெளியான இந்தப்படத்தை தமிழில் ‘வாத்தி’ என்ற பெயரில் ரெட் ஜெயண்ட் மூவிஸ் நிறுவனம் வெளியிட்டது. கல்வியின் முக்கியத்துவம் பற்றி பேசப்பட்ட இந்தப்படத்திற்கு ரிலீசானதில் இருந்து பாசிட்டிவ் விமர்சனங்கள் குவித்தது. கல்வியை வைத்து வியாபாரம் செய்யும் வில்லனாக சமுத்திரக்கனி இந்தப்படத்தில் நடித்திருந்தார்.
வாரிசை முந்தும் வாத்திஇந்நிலையில் ‘வாத்தி’ படத்தின் எட்டு நாள் வசூல் குறித்த தகவல்கள் வெளியாகியுள்ளன. அதன்படி வெளியானதில் இருந்து இதுவரையில் 75 கோடி ருபாய்க்கும் மேல் ‘வாத்தி’ வசூலித்துள்ளதாக அதிகாரப்பூர்வ அறிவிப்பு வெளியாகியுள்ளது. இதில் தமிழ்நாட்டில் 30 கோடியும், ஆந்திராவில் 25 கோடியும் வசூலித்துள்ளதாக கூறப்படுகிறது. இதன்மூலம் ஆந்திராவில் ‘வாரிசு’ வசூலை விட ‘வாத்தி’ படம் முந்தியுள்ளதாகவும் செய்திகள் வெளியாகியுள்ளன.
கேப்டன் மில்லராக மிரட்டும் தனுஷ்இதனால் தனுஷ் ரசிகர்கள் கொண்டாட்டத்தில் உள்ளனர். விரைவில் 100 கோடி வசூலை ‘வாரிசு’ படம் எட்டும் என கூறப்படுகிறது. தனுஷ் தற்போது அருண் மாதேஸ்வரன் இயக்கத்தில் உருவாகும் ‘கேப்டன் மில்லர்’ படத்தில் நடித்து வருகிறார் இந்தப்படத்திற்காக நீண்ட தாடி, ஹேர்ஸ்டைல் என வேறலெவல் லுக்கில் இருக்கிறார் தனுஷ். இதன் படப்பிடிப்பு தற்போது விறுவிறுப்பாக நடந்து வருவது குறிப்பிடத்தக்கது.