இந்திய சினிமாவே தற்போது விஜய்யின் லியோ படத்தை தான் ஆவலாக எதிர்பார்த்து காத்துக்கொண்டிருக்கின்றனர். உலகநாயகன் கமல்ஹாசனின் விக்ரம் படத்திற்கு பிறகு இந்தியளவில் பிரபலமான இயக்குனராக உருவெடுத்தார் லோகேஷ்.
அதன் பின் அவரின் இயக்கத்தில் பல மொழிகளை சேர்ந்த முன்னணி நடிகர்கள் நடிக்க ஆர்வம் தெரிவித்த நிலையில் தற்போது விஜய்யை வைத்து லியோ படத்தை இயக்கி வருகின்றார் லோகேஷ். பொதுவாக இருக்கும் விஜய் படங்களின் எதிர்பார்ப்பை காட்டிலும் இப்படத்திற்கு கூடுதல் எதிர்பார்ப்பு இருந்து வருகின்றது.
AK62: துரோகங்களால் மாறிய அஜித்..மனம்விட்டு பேசிய நடிகர்..!
அதற்கு இயக்குனர் லோகேஷ் கனகராஜ் மிக முக்கிய காரணமாகும். இந்நிலையில் லியோ திரைப்படத்தில் விஜய்யுடன் இணைந்து த்ரிஷா நாயகியாக நடிக்க சஞ்சய் தத், அர்ஜுன், மன்சூர் அலி கான், கௌதம் மேனன் என மிகப்பெரிய நட்சத்திர பட்டாளமே நடித்து வருகின்றனர்.
தற்போது காஷ்மீரில் இப்படத்தின் படப்பிடிப்பு விறுவிறுப்பாக நடைபெற்று வரும் நிலையில் அக்டோபர் மாதம் இப்படம் திரையில் வெளியாகவுள்ளது. இந்நிலையில் இப்படத்தில் நாயகியாக நடிப்பதற்காக த்ரிஷா வாங்கியுள்ள சம்பளம் பற்றிய தகவல் சமீபத்தில் வெளியாகியுள்ளது.
அதன் படி லியோ படத்தில் நடிப்பதற்காக த்ரிஷா மூன்று கோடி மட்டுமே சம்பளமாக வாங்கியுள்ளாராம். பொதுவாக த்ரிஷா ஒரு படத்தில் நடிக்க 8 முதல் 10 கோடி வரை சம்பளமாக வாங்கி வருகின்றார். அவ்வாறு இருக்கையில் திடீரென லியோ படத்திற்காக பல மடங்கு தன் சம்பளத்தை த்ரிஷா குறைத்துள்ளது ஆச்சர்யமாக பார்க்கப்படுகின்றது.
இந்நிலையில் லியோ திரைப்படத்தில் த்ரிஷா ஒரு சில காட்சிகளே வருகின்றார். எனவே சிறப்பு தோற்றத்தில் தான் த்ரிஷா நடிப்பதால் லியோ படத்திற்காக குறைவான சம்பளத்தை அவர் வாங்கியுள்ளார் என ஒரு சிலர் பேசி வருகின்றனர்.
மேலும் காஷ்மீரில் நடைபெற்று வரும் படப்பிடிப்பில் த்ரிஷா ஒரு சில நாட்களே கலந்துகொண்ட நிலையில் அவர் திடீரென சென்னை திரும்பினார். இதன் காரணமாக பல சர்ச்சைகள் கிளம்ப மீண்டும் படப்பிடிப்பில் கலந்துகொண்டார் த்ரிஷா என்பது குறிப்பிடத்தக்கது.