தளபதி விஜய் தமிழ் சினிமாவில் தவிர்க்கமுடியாத நடிகர்களில் ஒருவர். கடந்த பத்து வருடங்களில் தன் படங்களின் மூலம் பல வசூல் சாதனையை செய்து இந்திய சினிமாவின் பார்வையை தமிழ் சினிமா மீது திருப்பினார் விஜய். என்னதான் விஜய்யின் படங்கள் சூப்பராக இருந்தாலும் சுமாராக இருந்தாலும் வசூலை பொறுத்தவரை தயாரிப்பாளர்களுக்கு லாபாரமான படங்களாகவே அமைந்துவிடும்.
உதாரணத்திற்கு கடைசியாக வெளியான விஜய்யின் படங்களான பீஸ்ட் மற்றும் வாரிசு கலவையான விமர்சனங்களை பெற்றாலும் வசூல் ரீதியாக மிகப்பெரிய வெற்றியை அடைந்தது. இதைத்தொடர்ந்து தற்போது லோகேஷ் கனகராஜின் இயக்கத்தில் லியோ படத்தில் நடித்து வருகின்றார் விஜய்.
Rajini: ரஜினியுடன் நடிக்க மறுத்த ஜெயலலிதா..பின்னணி என்ன ? வெளியான உண்மை காரணம்..!
இப்படத்தின் பூஜை துவங்கும் முன்பே தயாரிப்பாளருக்கு பல கோடி லாபத்தை லியோ திரைப்படம் ஏற்படுத்திக்கொடுத்தது. இதையடுத்து இப்படம் அக்டோபர் மாதம் வெளியாகவுள்ள நிலையில் வசூல் ரீதியாக இப்படம் மிகப்பெரிய சாதனையை படைக்கும் என சினிமா வட்டாரங்களால் எதிர்பார்க்கப்படுகின்றது.
இதைத்தொடர்ந்து லியோ படத்தை அடுத்து விஜய்யின் படத்தை இயக்கவும் தயாரிக்கவும் பலர் போட்டி போட்டு வருகின்றனர். இந்நிலையில் தளபதி விஜய்யின் ரசிகர்கள் பட்டாளத்தை நாம் கணக்கிடவே முடியாது. அவரின் சுமாரான படமே வசூல் ரிதியாக மிகப்பெரிய வெற்றியை பெறுகின்றது என்றால் அதற்கு ஒரே காரணம் அவரின் ரசிகர் பலம் தான்.
அந்த வகையில் விஜய்க்கு தமிழ்நாடு மட்டுமின்றி உலகளவில் ரசிகர்கள் இருக்கின்றனர். அதற்கு ஒரு எடுத்துக்காட்டு தான் தற்போது விஜய் டிவியில் ஒளிபரப்பாகும் நீயா நானா நிகழ்ச்சியில் அரங்கேறியுள்ளது.
ஒவ்வொரு வாரமும் ஒவ்வொரு தலைப்புகளை பற்றி விவாதம் செய்யும் நீயா நானா நிகழ்ச்சியில் இந்த வாரம் நடிகர்களை கொண்டாடும் ரசிகர்கள் மற்றும் ரசிகர்களின் மேல் கோபம் கொண்ட பொதுமக்கள் என்ற தலைப்பில் விவாதம் துவங்கியது. இதில் பல முன்னணி நடிகர்களின் ரசிகர்கள் கலந்துகொண்ட நிலையில் சூடான் நாட்டை சேர்ந்த விஜய் ரசிகர் ஒருவரும் கலந்துகொண்டார்.
அவர், நான் தமிழ் படங்களை விரும்பி பார்ப்பேன் என்றும், விஜய்யின் தீவிர ரசிகர் என்றும் கூறினார். மேலும் தன் மொபைல் போனின் பின்பக்கம் தளபதி விஜய்யின் புகைப்படத்தை வைத்துள்ளதை காண்பித்தார்.தற்போது இந்த வீடியோ தான் இணையத்தில் செம வைரலாகி வருகின்றது என்பது குறிப்பிடத்தக்கது.