கமல்ஹாசன் நடிப்பில் இயக்குனர் ஷங்கரின் இயக்கத்தில் மிகப்பிரமாண்டமான உருவான இந்தியன் திரைப்படம் 1996 ஆம் ஆண்டு வெளியானது. மிகப்பெரிய அளவில் வெற்றிபெற்ற இப்படத்தின் இரண்டாம் பாகம் கடந்த 2017 ஆம் ஆண்டு துவங்கப்பட்டது. இந்தியன் 2 என்ற பெயரில் உருவான இப்படத்திற்கு அனிருத் இசையமைக்க சித்தார்த், விவேக், காஜல் அகர்வால், ப்ரியா பவானி ஷங்கர் என மிகப்பெரிய நட்சத்திர பட்டாளமே நடித்து வந்தனர்.
லைக்காவின் தயாரிப்பில் இப்படத்தின் படப்பிடிப்பு தொடர்ந்து நடைபெற்று வந்த நிலையில் எதிர்பாராத விதமாக ஏற்பட்ட விபத்தினால் படக்குழுவை சேர்ந்த மூன்று நபர்கள் பரிதாபமாக உயிரிழந்தனர். இதன் காரணமாக படப்பிடிப்பு சில காலம் நிறுத்தப்பட்டது. இதையடுத்து கொரோனா ஊரடங்கு காரணமாக இப்படத்தின் படப்பிடிப்பு துவங்க தாமதமாகிக்கொண்டே சென்றது.
Silambarasan: இது ஒர்கவுட் ஆகாது தலைவா..கௌதம் மேனனை எச்சரித்த சிம்பு..VTV கிளைமாக்ஸ் உருவான பின்னணி ..!
பிறகு
கமல்
அரசியலில் களமிறங்கவே இப்படம் கிடப்பில் போடப்பட்டது. மேலும் இப்படத்தின் தயாரிப்பு நிறுவனத்திற்கும் இயக்குனர் சங்கருக்கும் மோதல் வெடிக்க இந்தியன் 2 கைவிடப்பட்டதாக சில வதந்திகள் பரவின.
இந்நிலையில் விக்ரம் படத்தின் வெற்றியின் மூலம் புது உத்வேகம் பெற்ற கமல் தன் முயற்சியினால் இந்தியன் 2 திரைப்படத்தை மீண்டும் துவங்கினார். லைக்கா நிறுவனத்துடன் உதயநிதியின் ரெட் ஜெயண்ட் நிறுவனமும் இணைந்து இந்தியன் 2 திரைப்படத்தை உருவாக்கி வருகின்றது.
இதையடுத்து இப்படத்தின் மூலம் முதல்முறையாக மறைந்த நகைச்சுவை நடிகர் விவேக் கமலுடன் இணைந்து நடித்துள்ளார். பல ஆண்டுகாலமாக திரைத்துறையில் பல முன்னணி நடிகர்களுடன் இணைந்து நடித்த விவேக் இதுவரை கமலுடன் மட்டும் நடித்ததே இல்லை.
அது ரசிகர்களுக்கு சற்று வருத்தமாகவே இருந்து வந்தது. அந்த வருத்தத்தை போக்கும் வகையில் கமல் மற்றும் விவேக் இந்தியன் 2 படத்தின் மூலம் இணைந்தனர். ஆனால் எதிர்பாராத விதமாக விவேக் மாரடைப்பு காரணமாக கடந்த 2021 ஆம் ஆண்டு உயிரிழந்தார். இதன் காரணமாக விவேக்கிற்கு பதிலாக இந்தியன் 2 படத்தில் வேறொரு நடிகரை நடிக்க வைக்க படக்குழு திட்டமிட்டுள்ளதாக பல தகவல்கள் வந்தன.
இந்நிலையில் கமல் மற்றும் இயக்குனர் ஷங்கரும் இந்தியன் 2 படத்தில் விவேக் நடித்த சில காட்சிகளை படத்தில் இணைக்க முடிவு செய்துள்ளனர். இந்தியன் 2 படத்தில் கமலுடன் இணைந்து விவேக் நடித்த சில காட்சிகளை அப்படியே படத்தில் வைக்குமாறு கமல் ஷங்கரிடம் வலியுறுத்தியுள்ளார். ஷங்கரும் எந்த வித மறுப்பும் தெரிவிக்காமல் விவேக்கின் காட்சியை படத்தில் வைக்க ஒப்புக்கொண்டுள்ளாராம்.
இந்த செய்தி விவேக் ரசிகர்கள் உட்பட ஒட்டுமொத்த சினிமா ரசிகர்களையும் மகிழ்ச்சியில் ஆழ்த்தியுள்ளது. சின்ன கலைவாணரை மீண்டும் வெள்ளித்திரையில் காண ரசிகர்கள் ஆவலாக இருக்கின்றனர்.
இந்நிலையில் தற்போது விறுவிறுப்பாக நடைபெற்று வரும் இந்தியன் 2 படப்பிடிப்பு இன்னும் சில மாதங்களில் முடிவடைய இருக்கின்றது. இதைத்தொடர்ந்து இப்படம் இந்தாண்டு தீபாவளி பண்டிகையை முன்னிட்டு திரையில் வெளியாகவுள்ளது குறிப்பிடத்தக்கது.