Lokesh Kanagaraj:தனக்காக ஒரு கதை தயார் செய்யுமாறு ரஜினிகாந்த் கேட்டும் சரிபட்டு வராது சார் என லோகேஷ் கனகராஜ் கூறியதாக பேசப்படுகிறது.
ரஜினிஉலக நாயகன் கமல் ஹாசன் தயாரிப்பில் ரஜினிகாந்தை வைத்து லோகேஷ் கனகராஜ் ஒரு படம் இயக்குவதாக இருந்தது. ஆனால் அந்த படம் கைகூடவில்லை. இந்நிலையில் தன் கடைசி படத்தை லோகேஷ் கனகராஜ் இயக்க வேண்டும் என ரஜினி விரும்புவதாக தகவல் வெளியானது. எனக்கு ஒரு ஸ்க்ரிப்ட் தயார் செய்து கொண்டு வாங்க தம்பி என லோகேஷிடம் ரஜினி கேட்டுக் கொண்டதாக கூறப்பட்டது.
லோகேஷ்லோகேஷ் கனகராஜ் தற்போது விஜய்யை வைத்து லியோ படத்தை இயக்கி வருகிறார். அதன் பிறகு கார்த்தியின் கைதி 2 படம் இருக்கிறது. விக்ரம் 2 படத்தை இயக்க வேண்டும். அடுத்தடுத்து படங்களில் கமிட்டாகிவிட்டதால் ரஜினி படத்தை இயக்க நேரம் இல்லை என்று ரஜினியிடம் கூறியிருக்கிறார் லோகேஷ் கனகராஜ் என தகவல் வெளியாகியுள்ளது.
சம்பளம்லோகேஷ் உங்களுக்கு அதிகபட்ச சம்பளம் வாங்கித் தருகிறேன் என ரஜினி கூறியும் அவர் சரியான பதில் அளிக்கவில்லை என்று கூறப்படுகிறது. லோகேஷிடம் ரஜினி ஸ்க்ரிப்ட் கேட்டதாக வெளியான தகவலே இதுவரை உறுதி செய்யப்படவில்லை. இந்நிலையில் ரஜினிக்கு லோகேஷ் கனகராஜ் நோ சொல்லிவிட்டதாக பேச்சு கிளம்பியிருக்கிறது.
Rajinikanth: இன்று ரஜினி வீட்ல விசேஷமுங்க: என்னனு தெரியும் தானே?
பொய்லோகேஷ் கனகராஜ் நிச்சயம் ரஜினிக்கு நோ சொல்லியிருக்க மாட்டார். அவர் ரஜினியை வைத்து படம் இயக்க வேண்டும் என்கிற தன் ஆசையை வெளிப்படுத்தியவர். அப்படி இருக்க தன்னை தேடி வந்த வாய்ப்பை அவர் ஏற்க மறுத்திருக்க மாட்டார். ரஜினியை இயக்க லோகேஷ் கனகராஜ் மறுத்ததாக வெளியாகியிருக்கும் தகவலில் உண்மை இருக்காது என தலைவர் ரசிகர்கள் தெரிவித்துள்ளனர்.
தனுஷ்ரஜினியின் கடைசி படத்தை இயக்க பல இயக்குநர்கள் ஆசைப்படுகிறார்கள். இந்நிலையில் தான் அந்த வாய்ப்பை லோகேஷ் கனகராஜுக்கு கொடுக்க ரஜினி விரும்புகிறார் என்று கூறப்படுகிறது. ரஜினியை இயக்க ஆசைப்பட்டு காத்திருக்கும் இயக்குநர்களில் அவரின் மூத்த மருமகனான தனுஷும் அடக்கம் என்பது குறிப்பிடத்தக்கது.
ஜெயிலர்ரஜினி தற்போது நெல்சன் திலீப்குமார் இயக்கத்தில் ஜெயிலர் படத்தில் நடித்து வருகிறார். மேலும் தன் மூத்த மகள் ஐஸ்வர்யா இயக்கி வரும் லால் சலாம் படத்தில் கவுரவத் தோற்றத்தில் நடிக்கிறார். ஜெயிலர் பட வேலையே இன்னும் முடியாத நிலையில் ரஜினியின் அடுத்தடுத்த படங்கள் குறித்து பேசப்படுகிறது. ரஜினியை வைத்து நெல்சன் என்ன செய்திருக்கிறார் என்பதை பார்க்க ரசிகர்கள் ஆவலாக இருக்கிறார்கள். விஜய்யின் பீஸ்ட் படத்தை ரிலீஸ் செய்த கையோடு ரஜினியின் ஜெயிலர் படத்தை இயக்கி வருகிறார் நெல்சன் திலீப்குமார் என்பது குறிப்பிடத்தக்கது.