தமிழ் சினிமாவில் தற்போது முன்னணி நடிகராக திகழ்பவர் விஜய். இவரின் நடிப்பில் வெளியாகும் படங்கள் அனைத்தும் பாக்ஸ் ஆபிசில் மிகப்பெரிய வசூல் சாதனை படைக்கும். இவர் தற்போது லோகேஷ் கனகராஜின் ‘லியோ’ படத்தில் நடித்து வருகிறார். இந்நிலையில் இவரின் தந்தை எஸ்.ஏ. சந்திரசேகர் அளித்துள்ள பேட்டி ஒன்றில் விஜய் குறித்து பேசியுள்ளது இணையத்தில் வைரலாகி வருகிறது.
தமிழ் சினிமாவில் தற்போது உச்ச நடிகராக திகழும் விஜய்யின் ஆரம்பக்கால திரை பயணத்திற்கு உறுதுணையாக இருந்தவர் இவரின் தந்தை எஸ்.ஏ. சந்திரசேகர். தமிழ் திரையுலகில் முன்னணி இயக்குனராக திகழ்ந்த இவர் பல உச்ச நட்சத்திரங்களில் வெற்றி படங்களை இயக்கியுள்ளார். இவரும், விஜய்யும் கடந்த சில காலங்களாகவே கருத்து வேறுபாடு காரணமாக பேசி கொள்ளாமல் இருக்கின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அண்மையில் எஸ்.ஏ. சந்திரசேகர் இயக்கத்தில் ‘நான் கடவுள் இல்லை’ என்ற படம் வெளியானது. இதில் சமுத்திரக்கனி, சாக்ஷி அகர்வால், இனியா, சரவணன், ரோகினி, இமான் அண்ணாச்சி உள்ளிட்டோர் நடித்திருந்தனர். இந்நிலையில் ராமனாதபுரம் மாவட்டம் ராமேஸ்வரம் ராமநாதசுவாமி கோயிலுக்கு சாமி தரிசனம் செய்ய எஸ்.ஏ. சந்திரசேகர் சென்றுள்ளார். அப்போது பத்திரிக்கையாளர்கள் அவரிடம் கேட்ட கேள்விகளுக்கு பதிலளித்துள்ளார்.
ஒரு பத்திரிக்கையாளர் உங்கள் மகன் விஜய்யின் படங்கள் தொடர்ந்து வெற்றியடைகிறது. இதுப்பற்றி உங்கள் கருத்து என்ன என கேட்கப்பட்ட போது, அதுதான் கடவுளின் கிருபை. என்னுடைய தாய், தந்தையின் பிரார்த்தனை. எங்களோட வேண்டுதல். அவருடைய உழைப்பு மற்றும் ஈடுபாடு. எந்தளவுக்கு நாம் உழைக்கிறோமோ அந்தளவுக்கு கடவுள் நம்மை உயர்த்தி கொண்டே போவார். அதே நேரம் கடவுளின் ஆசிர்வாதமும் வேண்டும் என தெரிவித்துள்ளார்.
Leo:’லியோ’ படம் பற்றி பிக்பாஸ் ஜனனி சொன்ன விஷயம்: கம்பெனி சீக்ரெட்டாம்..!
விஜய் நடிப்பில் உருவாகி வரும் ‘லியோ’ படப்பிடிப்பு தற்போது காஷ்மீரில் விறுவிறுப்பாக நடந்து வருகிறது. ‘மாஸ்டர்’ படத்தின் வெற்றியை தொடர்ந்து இரண்டாவது முறையாக விஜய், லோகேஷ் கனகராஜ் கூட்டணி இந்தப்படத்தில் இணைந்துள்ளது. ‘விக்ரம்’ படத்தின் பிரம்மாண்ட வெற்றிக்கு பிறகு லோகேஷ் இயக்கும் படம் என்பதால் கோலிவு வட்டாரமே இந்தப்படத்தினை எக்கச்சக்கமாக எதிர்பார்த்து காத்து கொண்டிருக்கிறது.
‘லியோ’ படத்தில் விஜய்யுடன் கேஜிஎப் 2 வில்லன் சஞ்சய் தத் நடித்து வருகிறார். மேலும் பிரபல இயக்குனர் மிஷ்கின், கெளதம் மேனன் மற்றும் திரிஷா, பிரியா ஆனந்த், அர்ஜுன், சாண்டி மாஸ்டர், மன்சூர் அலிகார் உள்ளிட்டோர் இந்தப்படத்தில் நடித்து வருகின்றனர். அனிருத் இசையமைக்கும் இந்த்ப்படத்தினை செவன் ஸ்கீரின் ஸ்டுடியோ பிரம்மாண்டமாக தயாரித்து வருவது குறிப்பிடத்தக்கது.
Siddharth, Aditi Rao: தீயாய் பரவும் சித்தார்த், அதிதி ராவ்வின் வீடியோ: ஹன்சிகாவின் ரியாக்ஷன்.!