முதலமைச்சர்
மு.க.ஸ்டாலின்
இன்று தனது 70ஆவது பிறந்தநாளை கொண்டாடுகிறார். இந்நிலையில் ஆசிரியர்களுக்கு பல்வேறு நலத்திட்டங்களை அறிவித்துள்ளார்.
ஆசிரியர்களின் நலனைக் காக்க புதிய திட்டங்களை செயல்படுத்த அரசு முடிவு செய்துள்ளதாகவும் அதற்காக 225 கோடி ரூபாய் ஒதுக்கப்பட்டுள்ளதாகவும் முதல்வர் ஸ்டாலின் அறிவித்துள்ளார்.
ஆசிரியர்களுக்கு அறிவிக்கப்பட்டுள்ள திட்டங்கள்
அனைத்து இடைநிலை, பட்டதாரி ஆசிரியர்களுக்கும் கைக் கணினி (டேப் லெட்) வழங்கப்படும்.
அனைத்து ஆசிரியர்களுக்கும் மூன்று ஆண்டுகளுக்கு ஒருமுறை முழு உடல் பரிசோதனை செய்யப்படும்.
அரசின் திட்டங்களை மாணவர்களிடையே கொண்டு சேர்க்கும் ஆசிரியர்கள் வெளிநாடு கல்விச் சுற்றுலாவுக்கு அழைத்துச் செல்லப்படுவார்கள்.
உயர்கல்வி பயிலும் ஆசிரியர்களின் குழந்தைகளுக்காக வழங்கப்படும் கல்விச் செலவு 50 ஆயிரம் ரூபாயாக உயர்த்தப்படும்.
மொத்தம் 225 கோடி ரூபாய் மதிப்பீட்டில் இந்த திட்டங்கள் செயல்படுத்தப்பட உள்ளன.