கோவையில் ரயில் வரும் போது தண்டவாளத்தை கடந்த யானை ஒன்று நூலிழையில் உயிர்தப்பிய வீடியோ இணையத்தில் வைரலாகி வருகிறது.
தருமபுரி, கிருஷ்ணகிரி மாவட்ட எல்லையில் ஒற்றை மக்னா யானை விவசாய பயிர்களை சேதப்படுத்தி வந்தது. இந்நிலையில், அந்த மக்னா யானை கும்கி யானை உதவியுடன் ஊசி செலுத்தி பிடிக்கப்பட்டது.
அதைத்தொடர்ந்து மக்னா யானை, பொள்ளாச்சி அருகே உள்ள டாப்சிலிப் வனச்சரகத்திற்கு உட்பட்ட வரகழியாறு வனப்பகுதியில் விடுவிக்கப்பட்டது. அந்த யானையை வனத்துறையினர் தொடர்ந்து கண்காணித்து வந்தனர்.
அந்த யானை ஒரு இடத்தில் நிற்காமல் தொடர்ந்து இடம் மாறிக் கொண்டே இருந்தது. கடந்த 25ஆம் தேதி காலை மதுக்கரை வனப்பகுதிக்கு வந்தது. வனத்துறையினர் யானையை தொடர்ந்து கண்காணித்து வந்தனர்.
இந்நிலையில் அந்த மக்னா யானை மதுக்கரை அருகே உள்ள ரயில் தண்டவாளத்தை கடக்க முயன்றது. அப்போது கேரளா செல்லக்கூடிய எக்ஸ்பிரஸ் ரயில் அந்த தண்டவாளத்தில் வேகமாக வந்த போது, யானை நொடிப் பொழுதில் தண்டவாளத்தை கடந்து சென்றது. அந்த வீடியோ காட்சிகள் இணையத்தில் வைரலாகி வருகிறது.
newstm.in