தமிழ் சினிமாவில் தொடர்ச்சியாக காமெடி பிளாக் பஸ்டர் படங்களை கொடுத்து கொண்டிருப்பவர் இயக்குனரும் நடிகருமான சுந்தர் சி. இவர் படங்களில் இடம்பெறும் நகைச்சுவை காட்சிகளுக்கு என்றே தனியொரு ரசிகர்கள் பட்டாளம் உள்ளது. சமீபமாக இவரது இயக்கத்தில் வெளியான படங்கள் தோல்வியை தழுவிய நிலையில், தற்போது தனது பேய் காமெடி சென்டிமெண்டில் புதிய படம் இயக்க தயாராகி வருகிறார் சுந்தர் சி.
கடந்த 2014 ஆம் ஆண்டு சுந்தர் சி இயக்கத்தில் வெளியான படம் அரண்மனை. ஹாரர் காமெடி ஜானரில் வெளியான இந்தப்படம் அதிரிபுதிரியான வெற்றியை சுவைத்ததும் குஷியான நம்ம சுந்தர் சி அதன் அடுத்தடுத்த பாகங்களை இயக்க ஆரம்பித்தார். அவ்வாறு அவர் இயக்கி நமக்கு கிடைத்த படங்கள் தான் அரண்மனை இரண்டாம் மற்றும் மூன்றாம் பாகங்கள்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இவரது அரண்மனை சீரிஸ் படங்கள் ஒரே ஜானரில் இருப்பதாக கலாய்க்கப்பட்டாலும் ஹாரர் காமெடி ஜானரில் வெளியாகும் இந்த்ப்படங்களுக்கு தனியொரு ரசிகர்கள் பட்டாளமும் உள்ளது. இதன் மூன்றாம் பாகத்தில் ஆர்யா, ராஷி கண்ணா, ஆண்ட்ரியா, சம்பத், யோகி பாபு, மனோபாலா மற்றும் மறைந்த சின்ன கலைவாணர் விவேக் உள்ளிட்ட பலர் நடித்திருந்தனர்.
கடந்த 2021 ஆம் ஆண்டு வெளியான இந்தப்படம் முதல் இரண்டு பாகங்களை ஒப்பிடுகையில் சுமாரான வெற்றியையே சுவைத்தது. இதனையடுத்து தனது ‘கலகலப்பு’ டீமை வைத்து ‘காபி வித் காதல்’ படத்தை இயக்கினார். ஜெய், ஜீவா, ஸ்ரீகாந்த், அம்ரிதா, ஐஸ்வர்யா தத்தா, சம்யுக்தா ஹெக்டே, திவ்யதர்ஷினி உள்ளிட்ட நட்சத்திர பட்டாளங்கள் நடிப்பில் வெளியான இந்தப்படம் சொல்லி கொள்ளுபடியான வெற்றியை பெறவில்லை.
Pathu Thala: அதிரடி அறிவிப்பை வெளியிட்ட ‘பத்து தல’ படக்குழு: தரமான சம்பவம் லோடிங்.!
இதனால் தனது அரண்மனை சீரிஸை தூசி தட்டியுள்ள சுந்தர் சி, அதன் நான்காம் பாகத்தை இயக்கவுள்ளதாக தகவல்கள் வெளியாகியுள்ளன. இந்தப்படத்தில் விஜய் சேதுபதி பிரதான கதாபாத்திரத்தில் நடிக்கவுள்ளதாக சினிமா வட்டாரங்களில் செய்திகள் பரவியது. ஆனால் கடைசியில் சம்பளம் மற்றும் கால்ஷீட் பிரச்சனை காரணமாக அவர் அரண்மனை நான்காம் பாகத்தில் நடிக்கவில்லை என கூறப்பட்டது.
இந்நிலையில் தற்போது வெளியாகியுள்ள லேட்டஸ்ட் தகவலின்படி விஜய் சேதுபதி நடிக்கவிருந்த கதாபாத்திரத்தில் சுந்தர் சியே நடிக்கவுள்ளதாக செய்திகள் கசிந்துள்ளது. மேலும் அவருடன் தமன்னா மற்றும் ராஷி கண்ணா இரண்டு கதாநாயகிகளும் இணைந்து நடிக்கவுள்ளதாக தகவல்கள் வெளியாகியுள்ளன. இதில் ராஷி கண்ணா ஏற்கனவே ‘அரண்மனை 3’ படத்தில் நடித்திருந்தது குறிப்பிடத்தக்கது.
Thangalaan: கேஜிஎஃப்பில் விக்ரமின் ‘தங்கலான்’ படக்குழு: வெளியான மரண மாஸ் தகவல்.!