நெல்சன் திலீப்குமார் இயக்கத்தில் நடிகர் ரஜினிகாந்த் நடித்து வரும் திரைப்படம் ஜெயிலர். இந்தப் படம் ஆக்ஷன் த்ரில்லராக உருவாகி வருகிறது. இப்படத்தின்படப்பிடிப்பு சென்னை, ராஜஸ்தான், மைசூர் ஆகிய இடங்களில் நடைபெற்று வருகிறது. தற்போது ஜெயிலர் படத்தின் படப்பிடிப்பு இறுதிக்கட்டத்தை எட்டியுள்ளது.
Manimegalai: குக் வித் கோமாளி நிகழ்ச்சியில் இருந்து மணிமேலை விலக இதுதான் காரணமா?
ஜெயிலர் படத்தின் படப்பிடிப்பு வரும் ஏப்ரல் மாதம் நிறைவடையும் என எதிர்பார்க்கப்படுகிறது. இந்நிலையில் ‘ஜெயிலர்’ படத்தின் பிரம்மாண்ட ஆக்ஷன் காட்சியில் நடிகர் ரஜினிகாந்த் பங்கேற்றுள்ளதாக தகவல் வெளியாகியுள்ளது. விறுவிறுப்பான இந்த ஆக்ஷன் காட்சியின் படப்பிடிப்பு தற்போது நடந்து வரும் நிலையில், இந்த காட்சியை படக்குழு ஒரு வாரம் ஒத்திகை பார்த்த தகவல் வெளியாகியுள்ளது.
இந்த சண்டைக் காட்சி ஜெயிலர் படத்தின் மேஜர் ஹைலைட் சண்டைக்காட்சியாக இருக்கும் என கூறப்படுகிறது. மேலும் இந்தக் காட்சியில் நடிகர் ரஜினிகாந்த் பல ஸ்டண்ட் மேன்களை அடித்து துவைப்பார் என்றும் தகவல் வெளியாகியுள்ளது. தற்போது படமாக்கப்படும் இந்த சண்டைக் காட்சியில் மோகன்லால், சுனில், சிவ ராஜ்குமார் மற்றும் தமன்னா ஆகியோரும் இடம்பெறுவார்கள் என்றும் எதிர்பார்க்கப்படுகிறது.
Nayanthara: அச்சச்சோ… அடிமேல அடியா இருக்கே… அடுத்தடுத்து 2 படங்களில் இருந்து நீக்கப்பட்ட நயன்தாரா?
ஜெயிலர் திரைப்படம் பேன் இந்தியா படமாக உருவாகிறது. மலையாளம் மற்றும் கன்னட சினிமா பிரபலங்கள் ஜெயிலர் படத்தில் இணைந்திருப்பது படத்தின் மீதான எதிர்பார்ப்பை எகிறச் செய்துள்ளது. இப்படத்திற்கு அனிருத் இசையமைத்து வருகிறார். ஜெயிலர் திரைப்படம் மே அல்லது ஜூன் மாதத்தில் படம் திரைக்கு வரும் என்று எதிர்பார்க்கப்படுகிறது. நடிகர் ரஜினிகாந்த் அடுத்தாக தனது மகள் ஐஸ்வர்யா இயக்கும் லால் சலாம் படத்தில் முக்கிய கதாப்பாத்திரத்தில் நடிக்கிறார்.
இதனால் ஜெயிலர் படத்தின் படப்பிடிப்பை நடிகர் ரஜினிகாந்த் ஓரிரு வாரங்களில் முடித்துவிடுவார் என எதிர்பார்க்கப்படுகிறது. லால் சலாம் படத்தில் விஷ்ணு விஷால் மற்றும் விக்ராந்த் முதன்மை கதாப்பாத்திரங்களில் நடிக்கின்றனர். இப்படத்தில் ரஜினிகாந்த் ஒரு முஸ்லீம் மனிதராக நடிக்கிறார் என்றும் அவர் புதிய தோற்றத்தில் நடிக்க உள்ளதாகவும் கூறப்படுகிறது.
Malavika Mohanan: அல்ட்ரா மாடர்ன் உடையில் மிரட்டும் மாளவிகா மோகனன்… ஹாட்டோ ஹாட்!