என்னடா இரண்டு நாள் ஆகிவிட்டதே இன்னும் லியோ படத்தை பற்றிய செய்திகளோ, புகைப்படங்களோ வரவில்லையே என் ஏங்கிக்கொண்டிருந்த ரசிகர்களுக்கு தற்போது ஒரு ஹாப்பி நியூஸ். ட்விட்டரில் லியோ படத்தை வைரலாக்க லோகேஷ் ஒரு பதிவை போட்டுள்ளார்,
அதாவது சில நாட்களுக்கு முன்பு மிஸ்கின் லியோ படத்தில் அவர் சம்மந்தப்பட்ட காட்சிகள் நிறைவுபெற்றதாக கூறி உருக்கமாக ஒரு பதிவை போட்டிருந்தார். இதையடுத்து ரசிகர்கள் சிலர் இப்போதான் காஷ்மீர் போன மாதிரி இருக்கு அதுக்குள்ள இவரு ஷூட்டிங்க முடிச்சிட்டாரா ? ஒரு வேலை இரண்டு மூன்று காட்சிகளில் தான் மிஸ்கின் வருவாரோ என ரசிகர்கள் வழக்கம் போல டீகோட் செய்தனர்.
Leo: இதெல்லாம் நல்லதுக்கு இல்ல லோகி..கொஞ்சம் குறைச்சிக்கோங்க..அட்வைஸ் செய்யும் ரசிகர்கள்..!
ஆனால் லோகேஷ் மின்னல் வேகத்தில் படப்பிடிப்பை முடிக்க கூடிய இயக்குனர் என்பதால் சரசரவென மிஷ்கினின் காட்சிகளை எடுத்து முடித்துவிட்டு அடுத்ததாக சஞ்சய் தத்தை விஜய்யுடன் மோத களமிறக்கியுள்ளார்.
இது ஒருபக்கம் இருக்க கௌதம் மேனனின் பிறந்தநாள் பார்ட்டி லியோ படப்பிடிப்பில் கொண்டாடப்பட்டது. ஆனால் இதில் விஜய் மற்றும் த்ரிஷா கலந்துகொள்ளவில்லை. இதை அறிந்த சில ரசிகர்கள் ஒருவேளை விஜய்க்கும் படக்குழுவிற்கும் எதாவது பிரச்சனையா இருக்குமோ, அப்படி இப்படி என புரளியை கிளப்ப விஜய்க்கு படப்பிடிப்பில் இருந்து ஓய்வு அளிக்கப்பட்டுள்ளதால் அவர் சென்னை திரும்பியுள்ளார் என்ற தகவல் வதந்திக்கு முற்றுபுள்ளி வைத்தது.
இதைத்தொடர்ந்து கடந்த இரண்டு நாட்களாக லியோ பற்றிய எந்த செய்தியும் வராத நிலையில் தற்போது லோகேஷ் கனகராஜ் உருக்கமான பதிவு ஒன்றை போட்டுள்ளார்.அதாவது மிஷ்கினுடன் பணியாற்றியதை பற்றி நெகிழ்ச்சியாக ட்வீட் ஒன்றை போட்டுள்ளார் லோகேஷ்.
மிஷ்கினுடன் இணைந்து பணியாற்ற நான் கொடுத்து வைத்திருக்க வேண்டும் என லோகேஷ் பதிவிட இந்த பதிவிற்கு மிஸ்கின் எவ்வாறு ரியாக்ட் செய்யப்போகிறார் என ரசிகர்கள் ஆவலாக எதிர்பார்த்து காத்திருக்கின்றனர்.
இந்நிலையில் லோகேஷ் கனகராஜ் பதிவிட்ட இந்த பதிவை தற்போது ரசிகர்கள் வழக்கம் போல டீகோட் செய்து வருகின்றனர். புகைப்படம் ஏன் கருப்பு நிறத்தில் இருக்கின்றது, மிஷ்கினின் கையில் வெள்ளை நிற கப் இருக்கின்றது என பல ஆங்கிளில் ரசிகர்கள் டீகோட் செய்து வருகின்றனர் என்பது குறிப்பிடத்தக்கது.