தமிழக முதல்வர் மு.க. ஸ்டாலின் அவர்கள் இன்று தனது 70வது பிறந்தநாளை கொண்டாடுகிறார். இதையொட்டி அரசியல் தலைவர்கள், திரையுலக பிரபலங்கள், கட்சி தொண்டர்கள் என பலரும் அவருக்கு சமூக வலைதளங்களில் வாழ்த்து தெரிவித்து வருகிறார்கள்.
இதனால் #HBDMKStalin70 #திராவிட நாயகன் ஆகிய ஹேஷ்டேகுகள் ட்விட்டரில் தேசிய அளவில் டிரெண்டாகி வருகின்றன.
ஸ்டாலினின் பிறந்தநாளுக்கு வாழ்த்து தெரிவித்து வீடியோ ஒன்றை வெளியிட்டுள்ளார் சூப்பர் ஸ்டார் ரஜினிகாந்த். ஸ்டாலினின் பிறந்தநாளுக்கு ஒரு நாளுக்கு முன்பே வீடியோ வெளியிட்டிருக்கிறார். அந்த வீடியோவில் ரஜினிகாந்த் கூறியிருப்பதாவது,
என்னுடைய இனிய நண்பர் மாண்புமிகு தமிழக முதலமைச்சர் திரு மு.க. ஸ்டாலின் அவர்கள் நீண்ட நாள் நல்ல ஆரோக்கியத்துடனும், மன நிம்மதியுடன் இருந்து மக்கள் சேவை செய்ய வேண்டும் என்று அவருடைய 70வது பிறந்தநாளில் நான் மனதார வாழ்த்துகிறேன் என தெரிவித்துள்ளார்.
தான் முதல்வர் ஸ்டாலினுடன் சேர்ந்து எடுத்துக் கொண்ட புகைப்படத்தை ட்விட்டரில் வெளியிட்டு உலக நாயகன் கமல் ஹாசன் கூறியிருப்பதாவது,
முதல்வர்களில் முதன்மையானவராகவும், தமிழ்நாட்டை அடக்கியாளத் துடிப்பவர்களின் கனவைத் தகர்ப்பவராகவும் திகழும் திராவிட முன்னேற்றக் கழகத்தின் தலைவர், தமிழ்நாட்டின் முதல்வர், என் மனதிற்கினிய நண்பர், தளபதி திரு மு.க. ஸ்டாலின் அவர்கள் நீடுழி வாழ இந்தப் பிறந்தநாளில் வாழ்த்துகிறேன் என்றார்.
ஸ்டாலினை வாழ்த்தியதோடு நிற்கவில்லை. முன்னதாக ஸ்டாலினின் பிறந்தநாளையொட்டி ஏற்பாடு செய்யப்பட்ட புகைப்படக் கண்காட்சியை துவங்கி வைத்தார் கமல் ஹாசன். அப்பொழுது எடுக்கப்பட்ட புகைப்படங்களை சமூக வலைதளத்தில் வெளியிட்டு கமல் ஹாசன் கூறியதாவது, மாண்புமிகு முதல்வர்
மு.க. ஸ்டாலின் அவர்களின் பிறந்த நாளை முன்னிட்டு பி.கே. சேகர்பாபு ஏற்பாடு செய்த புகைப்படக் கண்காட்சியை தொடங்கி வைத்தேன்.
அரை நூற்றாண்டுத் தமிழக அரசியல் வரலாற்றில் தனித்தடம் பதித்த முதல்வரின் வாழ்க்கைப்பயணத்தை இன்றைய தலைமுறையினர் உணர்ந்துகொள்ள இதுபோன்ற முன்னெடுப்புகள் அவசியம் என்றார்.
முதல்வர் ஸ்டாலினை திரையுலகினர் தங்கள் கலைக் குடும்பத்தில் ஒருவராகவே பார்க்கிறார்கள். பிரபலங்களின் வீட்டு விசேஷம் என்றாலும், துக்கம் என்றாலும் வருகிறார் முதல்வர். மேலும் பிரச்சனை என்று அவரிடம் சென்றால் உடனே தீர்வு காண்கிறார். அதனால் முதல்வர் எங்களில் ஒருவர் என்கிறார்கள் திரையுலகினர்.
ரஜினியின் வாழ்த்து வீடியோவை பார்த்த திமுகவினர் அவருக்கு நன்றி தெரிவித்துள்ளனர். ரசிகர்கள் கூறியிருப்பதாவது,
தலைவருக்கு தான் தாராள மனசு. எவ்வளவு அழகாக வாழ்த்தியிருக்கிறார். முதல்வரை வாழ்த்துவதில் முதல் ஆளாக இருக்கிறார். தன் வாழ்வில் நிம்மதி இல்லை என்று சொன்ன தலைவர், ஸ்டாலின் நிம்மதியுடன் இருக்க வாழ்த்து தெரிவித்துள்ளனர். இந்த மனசு தான் சார் கடவுள். தலைவர் போன்று வேறு யாரும் இல்லை என தெரிவித்துள்ளனர்.
Ajith: அஜித்தை உரிச்சு வச்சிருக்கும் மகன் ஆத்விக், தல மாதிரியே ஃபுட்பால் ரசிகன்: வைரல் வீடியோ
முதல்வரை வாழ்த்தியதற்காக கமல் ஹாசனை பாராட்டுபவர்களும் இருக்கிறார்கள், விளாசுபவர்களும் இருக்கிறார்கள் என்பது குறிப்பிடத்தக்கது. கமலை கிண்டல் செய்து மீம்ஸும் போட்டுக் கொண்டிருக்கிறார்கள்.