‘துணிவு’ படத்தினை தொடர்ந்து அஜித் நடிக்கவுள்ள ‘ஏகே 62’ படத்தின் அதிகாரப்பூர்வ அறிவிப்பு தாமதம் ஆவதற்கான காரணம் குறித்த தகவல்கள் வெளியாகியுள்ளன.
ஏமாற்றிய லைகாநேற்றைய தினம் லைகா நிறுவனம் நாளை சர்ப்ரைஸ் அறிவிப்பு இருக்கிறது என தெரிவித்த போதே அஜித் ரசிகர்கள் குஷியானார்கள். எப்படியும் ‘ஏகே 62’ படம் குறித்த அறிவிப்பாக தான் இது இருக்கும் என ரசிகர்கள் அதிகம் எதிர்பார்த்தனர். ஆனால் அஜித் ரசிகர்களுக்கு அல்வா கொடுத்த லைகா நிறுவனம், யாரும் எதிர்பார்க்காத விதமாக ரஜினியின் ‘தலைவர் 170’ படம் குறித்த அறிவிப்பை வெளியிட்டது.
துணிவுஅஜித் நடிப்பில் கடைசியாக ‘துணிவு’ படம் வெளியானது. எச். வினோத், அஜித் கூட்டணி மூன்றாவது முறையாக இணைந்த இந்தப்படத்தில் மஞ்சு வாரியர், சமுத்திரக்கனி, ஜான் கொக்கன், வீரா, சிபி, அமீர், பாவனி உள்ளிட்ட பல நடித்திருந்தனர். கடந்த ஜனவரி மாதம் பொங்கல் திருநாளை முன்னிட்டு ‘வாரிசு’ படத்திற்கு போட்டியாக இந்தப்படம் வெளியானது.
300 கோடிகளை குவித்த துணிவு’துணிவு’ படம் உலகளவில் 300 கோடிக்கு மேல் வசூல் சாதனை செய்துள்ளதாக கூறப்படுகிறது. இந்தப்படத்தின் ரிலீசுக்கு முன்பாகவே ‘ஏகே 62’ படம் குறித்த அறிவிப்பு வெளியானது. அஜித் நடித்து கொண்டிருக்கும் படம் ரிலீசாவதற்கு முன்பாகவே அடுத்த படம் குறித்த அறிவிப்பு வெளியானதை ரசிகர்கள் ஆச்சரியத்துடன் பார்த்தனர்.
ஏகே 62 அறிவிப்புலைகா தயாரிப்பில் விக்னேஷ் சிவன் இயக்கத்தில் அனிருத் இசையில் ‘ஏகே 62’ படம் உருவாகவுள்ளதாக அதிரடியான அறிவிப்பு வெளியானது. இந்நிலையில் இந்தப்படத்திற்காக விக்கி உருவாக்கிய கதை அஜித் மற்றும் தயாரிப்பு தரப்புக்கு பிடிக்காமல் போனதால் ‘ஏகே 62’ படத்திலிருந்து விக்னேஷ் சிவன் விலகியதாக தகவல்கள் வெளியானது. இதனை உறுதி செய்யும் விதமாக தனது ட்விட்டர் பக்கத்திலிருந்த அஜித்தின் புகைப்படத்தை நீக்கினார் விக்னேஷ் சிவன்.
மகிழ் திருமேனி இயக்கும் ஏகே 62இதனையடுத்து மகிழ் திருமேனி ‘ஏகே 62’ படத்தை இயக்கும் வாய்ப்பை கைப்பற்றினார். தடையற தாக்க, மீகாமன், தடம், கலகத் தலைவன் உள்ளிட்ட ஆக்ஷன் படங்களை இயக்கிய மகிழுடன் அஜித் கூட்டணி அமைத்துள்ளது ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது. இந்தப்படத்தின் அதிகாரப்பூர்வ அறிவிப்பு தொடர்ந்து தாமதம் ஆவது ரசிகர்கள் மத்தியில் அதிருப்தியை ஏற்படுத்தியுள்ளது.
விரைவில் அதிகாரப்பூர்வ அறிவிப்புஇந்நிலையில் தற்போது வெளியாகியுள்ள லேட்டஸ்ட் தகவலின்படி ‘ஏகே 62’ படத்திற்கான முழு கதையை கேட்ட பின்பே அதிகாரப்பூர்வ அறிவிப்பை வெளியிட வேண்டும் என்ற முடிவில் உள்ளாராம் அஜித். இதற்காக மகிழ் திருமேனிக்கும் நேரம் கொடுத்து படத்திற்கான கதையை தயார் செய்யும் படி கூறியுள்ளாராம். இதன் காரணமாகவே ‘ஏகே 62’ படம் குறித்த அறிவிப்பு தாமதம் ஆவதாக செய்திகள் வெளியாகியுள்ளன. மேலும் விரைவில் அதிகாரப்பூர்வ அறிவிப்பு வெளியாகும் என்றும் கூறப்படுகிறது.