வாசிக்க நேரம் இல்லையா? செய்தியைக் கேளுங்கள்
இஸ்லாமாபாத்: பாகிஸ்தானில் நடந்த தற்கொலைப்படை தாக்குதலில் 9 போலீசார் கொல்லப்பட்டனர்.
தென் மேற்கு பாகிஸ்தான் பகுதியில் உள்ள பலுசிஸ்தானில் காம்பிரிட்ஜ் பாலத்தில் சிபி என்ற இடத்தில் இன்று(மார்ச் 06) போலீசார் வேன் சென்று கொண்டிருந்தது. அப்போது இருசக்கர வாகனத்தில் வந்த பயங்கரவாதிகள் போலீசார் வேன் மீது பயங்கரமாக மோதினர். போலீசார் வாகனம் சுக்கு சுக்காக நொறுங்கி சேதமானது. இந்த தாக்குதலில் 9 போலீசார் சம்பவ இடத்திலேயே உயிரிழந்தனர். மேலும் 13 போலீசார் பலத்த காயமுற்றனர்.
மருத்துவமனையில் அனுமதிக்கப்பட்டுள்ள சிலர் உயிருக்கு போராடி வருகின்றனர். மேலும் பலி எண்ணிக்கை அதிகரிக்கலாம்.
இது குறித்து போலீஸ் அதிகாரி நோட்டேசய் கூறுகையில்: இந்த சம்பவம் நடந்த இடம் தற்போது போலீஸ் கட்டுக்குள் உள்ளது. வெடிகுண்டு நிபுணர்கள் அனுப்பி வைக்கப்பட்டு தீவிர விசாரணை நடக்கிறது. மேலும் காயமுற்றவர்கள் குவெட்டா மருத்துவமனைக்கு கொண்டு செல்ல ஹெலிகாப்டர் அனுப்பி வைக்கப்பட்டுள்ளது. இவ்வாறு அவர் கூறினார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
