ராகுல் காந்தியால் குழந்தை பெற்றுக் கொள்ள முடியாது என்பதாலேயே அவர் திருமணம் செய்து கொள்ளவில்லை என்று கர்நாடக பாஜக தலைவர் கடுமையான விமர்சனத்தை வைத்துள்ளார்.
கர்நாடக பாஜக தலைவரும், எம்.பி.யுமான நளின்குமார் கட்டீல் சர்ச்சை பேச்சுக்கு சொந்தக்காரர். தீவிர மதவாதியான இவர் சிறுபான்மையினருக்கு எதிராக தொடர்ந்து பேசி வருகிறார். அண்மையில் இவர் கொப்பல் மாவட்டத்தில் நடந்த பொதுக்கூட்டத்தில் பேசியபோது, “ராமர் மற்றும் அனுமனின் பக்தர்கள் நாங்கள்; அனுமனை வணங்குகிறோம். திப்பு சுல்தானின் சந்ததிகளை வீட்டுக்கு அனுப்புவோம்.
இந்த ஆண்டு தொடக்கத்தில், திப்பு சுல்தானின் சந்ததிகளை திரும்ப அனுப்ப வேண்டும்” என்று பாஜக தொண்டர்களிடம் கோரிக்கையும் வைத்தார்.
இந்த நிலையில், கர்நாடகாவில் நடந்த பொதுக்கூட்டத்தில் கலந்துகொண்டு வெறுப்புரையாற்றிய நளின்குமார் கட்டீல், கொரோனா தடுப்பூசி விஷயத்தில் ராகுல் காந்தி மற்றும் சித்தராமையா இருவரும் மேற்கொண்ட அரசியல் விளையாட்டை பார்க்க வேண்டும். தடுப்பூசி போட்டுகொண்டால் ஆண்மை குறைவு ஏற்பட்டு குழந்தை பிறக்காது என்று பிரச்சாரம் செய்தனர். ஆனால், அதே நாள் இரவில் ராகுல்காந்தி ரகசியமாக தடுப்பூசி செலுத்தியுள்ளார். இதனால் தான் அவர் திருமணமே செய்துகொள்ளவில்லை. ஏனென்றால் அவருக்கு குழந்தை பிறக்காது என்று இவ்வாறு பேசி மீண்டும் சர்ச்சையில் விழுந்துள்ளார்.
பாஜக தலைவர் நளின்குமார் கட்டீல் கடந்த ஜனவரியில் நடந்த பொதுக்கூட்டத்தில் பேசியது இதேபோன்று சர்ச்சையானது. ”பாஜக தொண்டர்கள் சாலை மற்றும் கழிவுநீர் பிரச்சினைகள் போன்ற சிறிய பிரச்சினைகளுக்கு பதிலாக ‘லவ் ஜிகாத்’ போன்ற பிரச்சினைகளில் கவனம் செலுத்த வேண்டும் என்று இவர் கூறினார்.
மேலும், சாலை, கழிவுநீர் போன்ற சின்னச் சின்னப் பிரச்னைகளைப் பற்றிப் பேசாதீர்கள், உங்கள் குழந்தைகளின் எதிர்காலத்தைப் பற்றிக் கவலைப்பட்டால், லவ் ஜிகாத்தை நிறுத்த வேண்டுமானால் நமக்கு பாஜக கட்சிதான் தேவை என கூறினார். இப்படி தொடர்ந்து வெறுப்பான பேச்சுக்களை பேசி வரும் நளின்குமார் கட்டீல் ராகுல் காந்தியை பற்றி இழிவாக பேசியதற்கு கர்நாடக காங்கிரஸ் கண்டனம் தெரிவித்துள்ளது.
கர்நாடக தேர்தல் 2023: மீண்டும் எடியூரப்பா… டெல்லி வியூகத்தால் கடுப்பான சீனியர்கள்!
”இதுபோன்ற தவறான கருத்துகள் பாஜகவின் கலாச்சாரத்தையும் குறிக்கின்றன என்றும், எதிர்காலத்தில் கர்நாடகாவில் இதுபோன்ற தலைவர்கள் ஆட்சியமைக்க வேண்டுமா என்பதை மக்கள் முடிவு செய்ய வேண்டும்” என்றும் காங்கிரஸ் கருத்து தெரிவித்துள்ளது.