தமிழ் சினிமாவில் எவர் கிரீன் மூவி இண்டர்நேஷனல் என்ற தயாரிப்பு நிறுவனத்தின் மூலம் பல படங்களை தயாரித்திருப்பவர் விஏ துரை. அதே பெயரில் விநியோக நிறுவனத்தையும் நடத்திய வி.ஏ.துரை பல படங்களுக்கு விநியோகஸ்தராகவும் இருந்துள்ளார். சத்தியராஜின் என்னம்மா கண்ணு, லூட்டி, லவ்லி, விவரமான ஆளு, சூர்யாவின் பிதாமகன், விஜயகாந்தின் கஜேந்திரா, நாய் குட்டி, காகித கப்பல் உள்ளிட்ட பல படங்களை தயாரித்துள்ளார்.
VJ Anjana: ப்பா… ஹீரோயின் லுக்கில் விஜே அஞ்சனா… கலக்கல் க்ளிக்ஸ்!
ரஜினிகாந்தின் பாபா படத்தையும் விஏ துரைதான் தயாரித்திருந்தார். விஏ துரை தயாரிப்பில் பாலா இயக்கத்தில் வெளியான பிதாமகன் திரைப்படம் தமிழ் சினிமாவின் சிறந்த படங்களில் ஒன்று. விக்ரம், சூர்யா, லைலா, சங்கீதா, கருணாஸ், மனோ பாலா உள்ளிட்ட பலர் இந்தப் படத்தில் நடித்திருந்தனர். நடிகை சிம்ரன் ஒரு பாடலுக்கு நடனமாடியிருப்பார்.
பிதாமகன் திரைப்படம் தேசிய விருது, தமிழக அரசின் விருது, பிலிம் பேர் விருது என பல விருதுகளை குவித்தது. இந்தப் படம்தான் சூர்யாவின் சினிமா கெரியரில் மிகப்பெரிய திருப்புமுனையை ஏற்படுத்தியது. இந்நிலையில் இப்படத்தின் தயாரிப்பாளரான விஏ துரை வெளியிட்ட வீடியோ பெரும் பரபரப்பை ஏற்படுத்தியது.
VA Durai, Bala: பிதாமகன் தயாரிப்பாளருக்கு இந்த நிலையா? மருந்து வாங்கக்கூட காசில்லாமல் கதறல்..
அதாவது, சர்க்கரை நோயால் பாதிக்கப்பட்டுள்ள தனக்கு கால்களில் புண் ஏற்பட்டு எலும்புகள் தெரியும் அளவுக்கு பாதிக்கப்பட்டுள்ளதாக கூறியிருந்தார். இதனால் நடக்க முடியாமலும் தன்னை பார்த்துக் கொள்ள யாரும் இல்லாமல் மருந்து வாங்கக் கூட காசு இல்லாமல் கஷ்டப்படுவதாகவும் தெரிவித்திருந்தார். மேலும் சாலிகிராமத்தில் உள்ள நண்பர் வீட்டில் தங்கியிருப்பதாகவும் கூறியிருந்தார் விஏ துரை.
Varalaxmi: டிவி சேனல் தலைவர் வீட்டிற்கே வந்து ஹோட்டலுக்கு அழைத்தார்… மீண்டும் பகீர் கிளப்பிய வரலட்சுமி!
விஏ துரையின் இந்த கலங்க வைக்கும் வீடியோ சமூக வலைதளங்களில் வைரலாகி வருகிறது. இந்நிலையில் நடிகர் சூர்யா முதற் கட்ட உதவியாக மருத்துவ செலவுக்கு 2 லட்சம் ரூபாய் பண உதவி செய்துள்ளார். இதனைக் கேட்ட ரசிகர்கள், தன்னை தூக்கிவிட்ட தயாரிப்பாளருக்கு கஷ்டம் என்றதுமே எதையும் எதிர்பார்க்காமல் உதவி செய்யும் மனம் நடிகர் சூர்யாவுக்குதான் என கொண்டாடி வருகின்றனர். விஏ துரையின் நிலையை பார்த்து பிற நடிகர்களும் உதவ முன் வருவார்கள் என எதிர்பார்க்கப்படுகிறது.