ஆயுதங்களான மருந்துகள்: தற்சார்பே கேடயம் :மருத்துவ துறை வாய்ப்புகள் குறித்து பிரதமர் மோடி பேச்சு| Medicines as Weapons: Prime Minister Modi talks about opportunities in self-shielding medical sector

புதுடில்லி : ”கொரோனா வைரஸ் பரவல் காலத்தின்போது, உயிர் காக்கும் மருந்துகள், மருத்துவ உபகரணங்கள், தடுப்பூசிகள் ஆகியவை ஆயுதங்களாக மாறியதை நாம் மறக்க முடியாது. மருத்துவத் துறையிலும் வெளிநாடுகளை சார்ந்திருப்பதை படிப்படியாக குறைத்து வந்துள்ளோம்,” என, பிரதமர் நரேந்திர மோடி குறிப்பிட்டார்.

மத்திய பட்ஜெட் சமீபத்தில் தாக்கல் செய்யப்பட்டது. இதில் அறிவிக்கப்பட்ட திட்டங்களை சிறப்பாகச் செயல்படுத்துவது தொடர்பாக துறை நிபுணர்கள் உள்ளிட்டோரின் ஆலோசனைகள் பெறுவதற்காக, மத்திய அரசு சார்பில் இணையக் கருத்தரங்குகள் நடத்தப்பட்டு வருகின்றன.

இந்த வரிசையில், சுகாதாரம், மருத்துவ ஆராய்ச்சி தொடர்பான இணையக் கருத்தரங்கம் நடந்தது. இதில் பிரதமர் மோடி பேசியதாவது: நாடு சுதந்திரம் அடைந்த பின், மிக நீண்ட காலமாக மருத்துவத் துறையில் ஒருங்கிணைந்த அல்லது தொலைநோக்கு பார்வையுடன் கூடிய திட்டங்கள் செயல்படுத்தப்படவில்லை.

இதை சுகாதார அமைச்சகத்துடைய பொறுப்பாக மட்டும் பார்க்காமல், ஒட்டு மொத்த அரசின் பொறுப்பாக நாங்கள் பார்த்தோம். இதையடுத்தே, சுகாதாரத் துறையில் பல பெரும் மாற்றங்கள் ஏற்பட்டுள்ளன. கொரோனா காலத்தில், உயிர் காக்கும் மருந்துகள், தடுப்பூசிகள், மருத்துவ உபகரணங்கள் ஆகியவை எப்படி ஆயுதமாக மாறின என்பதை நாம் அறிவோம்.

இந்த அரசு அமைந்ததில் இருந்து, மருந்துகள் உள்ளிட்டவற்றுக்கு வெளிநாடுகளை சார்ந்திருப்பதை நாங்கள் படிப்படியாக குறைத்தோம். தற்சார்பே நம் நாட்டை மேம்படுத்தும் என்பது தற்போது நிரூபிக்கப்பட்டுள்ளது. மருத்துவத் துறையில் மிகப் பெரும் முதலீடு வாய்ப்புகள் உள்ளன. இவற்றை முதலீட்டாளர்கள் சரியாக பயன்படுத்தி கொள்ள வேண்டும்.

இவ்வாறு பேசினார்.

புதுடில்லி : ”கொரோனா வைரஸ் பரவல் காலத்தின்போது, உயிர் காக்கும் மருந்துகள், மருத்துவ உபகரணங்கள், தடுப்பூசிகள் ஆகியவை ஆயுதங்களாக மாறியதை நாம் மறக்க முடியாது. மருத்துவத் துறையிலும்