உச்ச நீதிமன்றம் அளித்த தீர்ப்பு எடப்பாடி பழனிசாமி தரப்பிற்கு மிகுந்த நம்பிக்கையை அளித்துள்ளது. அதேசமயம் ஜூலை 11, 2022 பொதுக்குழு மட்டுமே செல்லும் என்றும், அதில் நிறைவேற்றப்பட்ட தீர்மானங்கள் அனைத்தும் கீழமை நீதிமன்றங்களில் தான் முடிவு செய்யப்படும் என்றும் உத்தரவு பிறப்பிக்கப்பட்டது. இது சற்றே பின்னடைவாக பார்க்கப்படுகிறது.
ஜூலை 11 பொதுக்குழுஇந்த லா பாயிண்டை பிடித்து கொண்ட ஓ.பன்னீர்செல்வம் தரப்பு நீதிமன்றம், தேர்தல் ஆணையம் என தங்கள் வாதத்தை முன்வைக்க தயாராகி வருகின்றனர். ஜூலை 11 அதிமுக பொதுக்குழுவில் எடப்பாடி பழனிசாமி கட்சியின் இடைக்கால பொதுச் செயலாளராக தேர்வு செய்யப்பட்டார். ஆனால் இது அடுத்த 4 மாதங்களுக்கு மட்டுமே செல்லுபடியாகும் எனவும், அதற்குள் பொதுச் செயலாளர் தேர்தலை நடத்த வேண்டும் எனவும் தீர்மானம் நிறைவேற்றப்பட்டது.
பொதுச் செயலாளர் தேர்தல்அதன்படி, எடப்பாடி பழனிசாமியின் பதவி காலாவதியாகி விட்டது. எனவே மீண்டும் பொதுக்குழு கூட்டப்பட வேண்டும். கட்சி விதிகளில் திருத்தம் செய்ததன் அடிப்படையில் அதிமுக பொதுச் செயலாளர் தேர்தல் நடத்த வேண்டும். அதாவது, இந்த பதவிக்கு போட்டியிடும் வேட்பாளரை 10 மாவட்ட செயலாளர்கள் முன்மொழிய வேண்டும். அதை மேலும் 10 மாவட்ட செயலாளர்கள் வழிமொழிய வேண்டும்.
எடப்பாடிக்கு சாதகம்இவர்கள் குறைந்தது 10 ஆண்டுகள் கட்சியின் உறுப்பினராக இருந்திருக்க வேண்டும் உள்ளிட்ட சில விதிகளில் திருத்தங்கள் மேற்கொள்ளப்பட்டன. இவை அனைத்தும் தற்போது எடப்பாடி பழனிசாமிக்கு சாதகமாக மாறியுள்ளது. ஏனெனில் அதிமுகவில் மொத்தமுள்ள 75 மாவட்ட பிரிவுகளில் 69 பிரிவுகளை சேர்ந்த செயலாளர்கள் எடப்பாடி வசம் இருக்கின்றனர்.
நிரந்தர பொதுச் செயலாளர்இதுதவிர எம்.எல்.ஏக்கள், தலைமை கழக நிர்வாகிகள் உள்ளிட்டோர் பெரும்பான்மை எண்ணிக்கையில் உள்ளனர். இவர்களை கொண்டு கட்சியின் நிரந்தர பொதுச் செயலாளராக அதிகாரமிக்க ஒற்றை நாற்காலியில் அமர்ந்துவிட வேண்டும் என்று எடப்பாடி பழனிசாமி தீவிரம் காட்டி வருகிறார். முன்னதாக ஜெயலலிதா மட்டுமே அதிமுகவின் நிரந்தர பொதுச் செயலாளர் என்று கட்சியின் மூத்த நிர்வாகிகள் கூறியதை கேட்டிருப்போம்.
மார்ச் 9 கூட்டம்தற்போது அதையெல்லாம் காலி செய்து விட்டு எடப்பாடியார் வேகமாக முன்னோக்கி சென்று கொண்டிருப்பதாக அரசியல் விமர்சகர்கள் கூறுகின்றனர். ஈரோடு கிழக்கு இடைத்தேர்தல் தோல்வியில் இருந்து பாடம் கற்றுக் கொண்ட நிலையில் வரும் 9ஆம் தேதி மாவட்ட செயலாளர்கள் கூட்டத்திற்கு அழைப்பு விடுத்துள்ளார். இதில் அதிமுக பொதுச் செயலாளர் தேர்தலுக்கு தேதி குறிக்க முடிவு செய்துள்ளனர்.
தேர்தல் ஏற்பாடுகள்அதன்படி, நடப்பு மாதத்தின் இறுதிக்குள் பொதுச் செயலாளர் தேர்தலை நடத்தி முடிக்க திட்டமிட்டுள்ளனர். அதன்பிறகு எடப்பாடி தலைமையில் கட்சியை அடிமட்டத்தில் இருந்து வலுப்படுத்த உள்ளனர். குறிப்பாக தேர்தல் வெற்றியை நோக்கி பயணிக்கும் வகையில் வியூகங்கள் வகுக்க ஆலோசித்து வருகின்றனர்.
மக்களவை தேர்தல் வியூகம்இவை அனைத்தும் எடப்பாடி தலைமை பொறுப்பேற்ற பிறகு ஒவ்வொன்றாக நடத்தி முடிக்க திட்டமிடப்பட்டுள்ளது. மேலும் மாநிலம் தழுவிய அளவில் சுற்றுப்பயணம் மேற்கொள்ளவும் முடிவு செய்துள்ளனர். இது 2023 மக்களவை தேர்தலை ஒட்டி பல்வேறு விஷயங்களுக்கு அச்சாரம் போடும் வகையில் இருக்கும் என ரத்தத்தின் ரத்தங்கள் தெரிவிக்கின்றனர்.