ரியாத்: இஸ்லாமியர்களுக்கு மிகவும் முக்கியத்துவம் வாய்ந்த மெக்கா மற்றும் மதீனா நாடான சவூதி அரேபியாவில் மார்ச் 22ம் தேதி முதல் புனித மாதமான ரமலான் பண்டிகைக்கு பல கட்டுப்பாடுகள் மற்றும் விதிமுறைகளை அரசு அறிவித்துள்ளது. சவூதி அரேபியாவில் மசூதிகளுக்குள் ஒலிபெருக்கிகளின் எண்ணிக்கையை குறைப்பது, நன்கொடைகளை தடை செய்வது மற்றும் மசூதிக்குள் அஸான் ஒலிபரப்பை தடை செய்வது ஆகியவை இதில் அடங்கும். இந்த விதிகள் மற்றும் ஒழுங்குமுறைகளை இஸ்லாமிய விவகார அமைச்சகம் வெள்ளிக்கிழமை வெளியிட்டுள்ளது.
மத்திய கிழக்கு கண்காணிப்பாளரின் அறிக்கையில், இந்த ஆண்டு ரமலானில் பின்பற்றப்பட வேண்டிய 10 அம்சங்கள் இஸ்லாமிய அமைச்சகத்தால் வெளியிடப்பட்டுள்ளன. நோன்பு திறக்க உணவு தயாரிப்பதற்காக மசூதிகள் நன்கொடை பெறுவதைத் தடை செய்வதும் இந்த வழிகாட்டுதலில் அடங்கும். அதுமட்டுமின்றி, மசூதியின் முற்றத்தில் உள்ள குறிப்பிட்ட பகுதியில் மட்டுமே இதுபோன்ற உணவு தயாரிக்கப்பட வேண்டும் என்றும், பள்ளிவாசலுக்குள் தயார் செய்யக்கூடாது என்றும் உத்தரவிடப்பட்டுள்ளது. இந்த உணவை நோன்பாளிகளுக்கு இமாம் மற்றும் முஈஸின் மேற்பார்வையில் விநியோகிக்க வேண்டும். இந்த இரு அதிகாரிகளும் ரமலான் மாதம் முழுவதும் இருக்க வேண்டும் என்று சவுதி அமைச்சகம் தெரிவித்துள்ளது.
மேலும் படிக்க | 104 பயணிகளுடன் மாயமான ரயில்! 100 ஆண்டுகளாக தொடரும் தேடுதல் வேட்டை!
உலகம் முழுவதும் உள்ள முஸ்லிம்கள் சவுதி அரேபியா மீது கடும் அதிருப்தி
நோன்பாளிகளுக்கு எந்தப் பிரச்சினையும் ஏற்படாத வகையில் மாலைத் தொழுகையான தராவீஹ் மற்றும் இரவுத் தொழுகையான தஹஜ்ஜுத் தொழுகையை போதிய நேரத்திற்குள் முடிக்க வேண்டும் என இஸ்லாமிய அமைச்சகம் தெரிவித்துள்ளது. இது தவிர மசூதிக்குள் புகைப்படம் எடுப்பது மற்றும் அஸான் நிகழ்ச்சியை நேரடியாக ஒளிபரப்பவும் தடை விதிக்கப்பட்டுள்ளது. இது தவிர நோன்பாளிகள் குழந்தைகளை மசூதிக்குள் அழைத்து வர தடை விதிக்கப்பட்டுள்ளது. இதனால் வழிபாடுகளில் இடையூறுகள் ஏற்படுவதுடன் சிரமங்களும் ஏற்படுகின்றன. கடந்த ஆண்டின் தொடக்கத்திலும் மசூதிகளில் அஸானின் ஒலிபெருக்கிகளின் அளவு குறைக்கப்பட்டது, இது இந்த ஆண்டும் பொருந்தும்.
நோன்பு இருப்பவர்கள் மசூதிகளைப் பற்றி படிக்க ஊக்குவிக்கப்படுவார்கள். இந்த விதிகள் வெளியான பிறகு, உலகம் முழுவதும் உள்ள முஸ்லிம்கள் சவுதி அரேபியா மீது கோபத்தில் உள்ளனர். இந்த விதிகளை வெளியிடுவதன் மூலம் பொது வாழ்வில் இஸ்லாத்தின் செல்வாக்கை குறைக்க சவுதி அரேபியா விரும்புவதாக அவர்கள் கூறுகின்றனர். இந்த சர்ச்சைக்குப் பிறகு, சவுதி அரேபியாவின் அமைச்சகத்தின் செய்தித் தொடர்பாளர், மசூதிக்குள் நோன்பு திறப்பதை அமைச்சகம் நிறுத்தவில்லை என்று தெளிவுபடுத்தினார். மாறாக, பொறுப்புள்ளவர்கள் இருந்து வழிநடத்த வேண்டும் என நாங்கள் ஏற்பாடு செய்கிறோம். இத்துடன் மசூதியின் தூய்மையும் பராமரிக்கப்பட வேண்டும். ஒளிபரப்பு தடையின் நோக்கம் தவறுகளை தடுப்பதுதான் என்றார்.
மேலும் படிக்க | 6 மாதங்களுக்கு ஒரு முறை நாட்டை மாற்றும் தீவு! 364 ஆண்டு கால நடைமுறை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ