உலகநாயகன் கமல்ஹாசனின் அரசியல் வாழ்க்கையை சிலர் விமர்சித்தாலும் அவரின் திரைவாழ்க்கையை போற்றாத ஆளே இல்லை. தன் ஒவ்வொரு படத்தின் மூலமும் தமிழ் சினிமாவை உலகத்தரத்திற்கு உயர்த்த வேண்டும் என்ற எண்ணத்தில் உழைத்து வருகின்றார்
கமல்
.
என்னதான் அவருக்கு கிட்டத்தட்ட 70 வயது ஆனாலும் தற்போதும் தன் படத்தின் மூலம் ரசிகர்களுக்கு புது விதமான அனுபவத்தை புகுத்திவிட வேண்டும் என்ற முயற்சியில் ஈடுப்பட்டு வருகின்றார் கமல். கடந்தாண்டு தமிழ் படங்கள் தொடர்ந்து சரிவை சந்தித்த போது ஒட்டுமொத்த தமிழ் திரையுலகமும் ஒரு வெற்றிக்காக காத்திருந்தது.
அந்த வெற்றியை தன் விக்ரம் படத்தின் மூலம் தந்து ஒட்டுமொத்த தமிழ் சினிமாவையும் வெற்றிப்பாதைக்கு அழைத்து வந்தார் கமல். அதைத்தொடர்ந்து விக்ரம் படத்தின் வெற்றி கொடுத்த உத்வேகத்தில் தற்போது பல படங்களில் நடிக்க ஒப்பந்தமாகி வருகின்றார். அதுமட்டுமல்லாமல் பல படங்களை தன் ராஜ் கமல் பிலிம்ஸ் மூலம் தயாரித்தும் வருகின்றார் கமல்.
உலகநாயகன்
இந்நிலையில் தற்போது ஷங்கரின் இயக்கத்தில் உருவாகும் இந்தியன் 2 படத்தில் நடித்து வரும் கமல் அடுத்ததாக வினோத்தின் இயக்கத்தில் ஒரு படத்தில் நடிக்கவுள்ளார். மேலும் பல இளம் இயக்குனர்களின் படங்களில் நடிக்கவும் பேச்சுவார்த்தை நடத்தி வருகின்றார் கமல். இவ்வாறு பிசியாக இருக்கும் உலகநாயகன் சமீபத்தில் அவரின் ரசிகர்கள் சிலரை சந்தித்து பேசியுள்ளார்.
AK62: நான் கேட்ட பணத்தை விட இரண்டு மடங்கு கொடுத்தார்..நெகிழ்ச்சியாக பேசிய மகிழ் திருமேனி..!
சோஷியல் மீடியாவில் கமலையும் அவரது படங்களையும் கொண்டாடும் ரசிகர்கள் சிலரை கமல் சந்தித்துள்ளார். இதுபற்றி அவர் ஒரு ட்வீட் ஒன்றையும் போட்டுள்ளார். அவர் பதிவிட்டவாறு, சமூகவலைதளங்களில் தொடர்ச்சியாக என்னையும், என் படங்களையும் கொண்டாடும் ரசிகர்களில் சிலரை சந்தித்தேன். சோஷியல் மீடியா வலிமை மிக்க ஊடகம். அதை நல்ல வழிகளில் பயன்படுத்திக்கொள்வது எப்படியென கருத்துப்பரிமாற்றம் செய்துகொண்டோம் என அவர் பதிவிட்டிருந்தார்..
இந்நிலையில் கமல் இவ்வளவு பிஸியான நேரத்திலும் தன் ரசிகர்களை சந்தித்து பேசியது கோலிவுட் வட்டாரத்தில் ஆச்சர்யமாக பார்க்கப்படுகின்றது. மேலும் இதற்கு பின்னால் ஏதேனும் மாஸ்டர் பிளான் இருக்குமோ எனவும் பொதுவான ரசிகர்கள் பேசி வருவது குறிப்பிடத்தக்கது.