உதயநிதி
ஆல்ரவுண்டர் தமிழ் சினிமாவில் குருவி படத்தின் மூலம் தயாரிப்பாளராக அறிமுகமான உதயநிதி அதன் பின் ஒரு கல் ஒரு கண்ணாடி படத்தின் மூலம் ஹீரோவானார். இதைத்தொடர்ந்து தற்போது தயாரிப்பாளர், விநியோகஸ்தர், நடிகர், அமைச்சர் என பலமுகம் கொண்டவராக வலம் வருகின்றார். ஒரே சமயத்தில் பல துறைகளில் ஈடுபட்டு வெற்றிநடைபோட்டு வரும் உதயநிதி மாமன்னன் படத்திற்கு பிறகு இனி நடிக்கப்போவதில்லை என முடிவெடுத்துள்ளார். தற்போது அமைச்சராக இருக்கும் உதயநிதி முழு நேர அரசியலில் ஈடுபடவே இந்த முடிவை எடுத்துள்ளாராம். இந்நிலையில் சமீபத்தில் உதயநிதியின் மகன் இன்பநிதி அவரின் பெண் தோழியுடன் இருக்கும் புகைப்படங்கள் இணையத்தில் லீக்கானது. இது பெரும் சர்ச்சையை கிளப்ப இது பற்றி முதல் முறையாக பேசியுள்ளார் உதயநிதி
பரபரப்பு கடந்த 2021 ஆம் ஆண்டு நடைபெற்ற சட்டமன்ற தேர்தலில் போட்டியிட்டு வெற்றிபெற்றார் உதயநிதி. அதன் பிறகு ஒருபக்கம் அரசியல் மறுபக்கம் சினிமா என பரபரப்பாக உதயநிதி இயங்கி வந்தார். மேலும் சமீபகாலமாக அவரது நடிப்பில் வெளியாகும் திரைப்படங்களும் ரசிகர்கள் மத்தியில் நல்ல வரவேற்பை பெற்று வருகின்றது.இதைத்தொடர்ந்து கடந்த ஒரு வருடத்தில் மட்டும் பல முன்னணி நடிகர்களின் படங்களின் விநியோகஸ்த உரிமையை வாங்கி வெளியிட்டு வருகின்றார் உதயநிதி. உச்ச நட்சத்திரங்களின் படங்களை மட்டும் வாங்காமல் பல தரமான படங்களையும் வாங்கி வெளியிட்டு அப்படங்களில் வெற்றிக்கு உறுதுணையாக இருந்து வருகின்றார் உதயநிதி. என்னதான் இது ஒருபக்கம் இருந்தாலும் அவர் தொடர்ந்து முன்னணி நடிகர்களின் படங்களை வாங்கி வருவது சர்ச்சையையும் ஏற்படுத்தியுள்ளது
கடைசி படம் கலகத்தலைவன் படத்திற்கு பிறகு உதயநிதி மாரி செல்வராஜின் இயக்கத்தில் மாமன்னன் படத்தில் நடித்து வருகின்றார். கீர்த்திசுரேஷ் நாயகியாக நடிக்க வடிவேலு முக்கியமான கதாபாத்திரத்தில் நடிக்கின்றார். மேலும் ஏ.ஆர்.ரஹ்மான் இசையமைத்து வரும் இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது. இந்நிலையில் முழு நேர அரசியலில் ஈடுபட தயாரான உதயநிதி இப்படத்திற்கு பிறகு இனி நடிக்கப்போவதில்லை என முடிவெடுத்துள்ளார். மாமன்னன் படத்திற்கு பிறகு ராஜ் கமல் பிலிம்ஸ் சார்பாக கமல் தயாரிக்கும் ஒரு படத்தில் உதயநிதி நடிப்பதாக இருந்த நிலையில் மாமன்னன் தான் தன் கடைசி படம் என அறிவித்தார் உதயநிதி
பதிலடி இந்நிலையில் சமீபத்தில் உதயநிதியின் மகன் இன்பநிதி அவரின் பெண் தோழியுடன் நெருக்கமாக இருக்கும் சில புகைப்படங்கள் இணையத்தில் கசிந்தது. இது பெரும் சர்ச்சையை ஏற்படுத்திய நிலையில் இதுபற்றி முதல்முறையாக உதயநிதி பேசியுள்ளார். அவர் நடிப்பில் விரைவில் வெளியாகவிருக்கும் கண்ணை நம்பாதே படத்தின் ப்ரோமோஷன் நிகழ்ச்சியில் ஈடுபட்டு வரும் உதயநிதி இதுபற்றி பேசியுள்ளார். அவர் கூறியதாவது, என் மகனுக்கு 18 வயது ஆகின்றது. இது அவரின் தனிப்பட்ட விஷயம். என் மகன் மற்றும் என் குடும்பத்தார் சம்மந்தப்பட்ட விஷயம். எனவே இதைப்பற்றி வெளியே பேச நான் விரும்பவில்லை. மேலும் என் மகனின் தனிப்பட்ட விஷயத்தில் ஒரு கட்டத்திற்கு மேல் என்னால் கூட தலையிட முடியாது என பதிலடி கொடுத்துள்ளார் உதயநிதி. இவரின் இந்த பதில் தற்போது இணையத்தில் செம வைரலாகி வருகின்றது குறிப்பிடத்தக்கது