சிவகார்த்திகேயன் தற்போது ‘மாவீரன்’ படத்தில் நடித்து வருகிறார். இதன் படப்பிடிப்பு தற்போது விறுவிறுப்பாக நடந்து வருகிறது. கடந்த சில மாதங்களாக படப்பிடிப்பு நடந்து வரும் நிலையில் அவ்வப்போது படம் குறித்த அப்டேட் வெளியாகி ரசிகர்களின் எதிர்பார்ப்பை எகிற செய்து வருகிறது. இந்நிலையில் ‘மாவீரன்’ படம் குறித்து வெளியாகியுள்ள லேட்டஸ்ட் அப்டேட் இணையத்தில் வைரலாகி வருகிறது.
தமிழ் சினிமாவில் பிசியாக வலம் வரும் முன்னணி நடிகர்களில் ஒருவராக திகழ்பவர் சிவகார்த்திகேயன். சின்னத்திரையில் தனது கெரியரை துவங்கிய இவர் தற்போது வெள்ளித்திரையில் ஏராளமான ரசிகர்கள் பட்டாளம் கொண்ட நடிகராக வலம் வந்து கொண்டிருக்கிறார். இவர் நடிப்பில் கடந்த வருடம் வெளியான ‘டான்’ படம் 100 கோடி வரை வசூல் சாதனை புரிந்து மாஸ் காட்டியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அறிமுக இயக்குனர் சிபி சக்கரவர்த்தி இயக்கிய ‘டான்’ படத்தில் சிவகார்த்திகேயன், பிரியங்கா மோகன், சமுத்திரக்கனி, எஸ்.ஜே. சூர்யா சூரி உள்ளிட்ட பலர் நடித்திருந்தனர். காலேஜ் பேக்கரவுண்டில் கலர்புல்லாக வெளியான இந்தப்படத்தை ரெட் ஜெயண்ட் மூவிஸ் நிறுவனம் வினியோகம் செய்தது. ரசிகர்கள் மத்தியில் அமோக வரவேற்பினை பெற்ற இந்தப்படம் 100 கோடி வரை வசூல் சாதனை புரிந்தது.
‘டான்’ படத்தினை தொடர்ந்து ‘பிரின்ஸ்’ படத்தில் நடித்தார் சிவகார்த்திகேயன். தமிழ், தெலுங்கு மொழியில் வெளியான இந்தப்படத்தினை தெலுங்கில் ‘ஜதி ரத்னலு’ என்ற ஹிட் படத்தை கொடுத்த அனுதீப் இயக்கினார். சிவகார்த்திகேயனின் முதல் தீபாவளி ரிலீசாக வெளியானதால் ரசிகர்கள் இந்தப்படத்தை அதிகம் எதிர்பார்த்தனர். ஆனால் இந்தப்படம் படு தோல்வியை சந்தித்தது.
Suriya 42: அன்பான பேன்ஸ் ரெடியா.. ‘சூர்யா 42’ படக்குழுவின் அடுத்த தரமான செய்கை.!
இதனால் தனது அடுத்த படத்தை ஹிட்டாக்கி விட வேண்டும் என்ற முனைப்போடு நடித்து வருகிறார் சிவகார்த்திகேயன். ‘மண்டேலா’ என்ற ஹிட் படத்தை கொடுத்த மடோன் அஸ்வின் ‘மாவீரன்’ படத்தை இயக்கி வருகிறார். இந்தப்படத்தில் அதிதி ஷங்கர், இயக்குனர் மிஷ்கின், சரிதா, யோகி பாபு உள்ளிட்டோர் முக்கியமான கதாபாத்திரத்தில் நடித்து வருகின்றனர்.
Ajith: ‘பில்லா’ படத்தில் இவருக்கு பதிலா தான் நயன்தாரா நடித்தாரா.?: போட்டோஸ் அள்ளுதே.!
இந்நிலையில் லேட்டஸ்ட் தகவலாக ‘மாவீரன்’ படத்தின் சேட்டிலைட் உரிமையை சன் டிவி நிறுவனம் கைப்பற்றியுள்ளதாக தகவல்கள் வெளியாகியுள்ளது. ஏற்கனவே டிஜிட்டல் உரிமையை அமேசான் ப்ரைம் நிறுவனம் வாங்கியிருந்தது. ரிலீசுக்கு முன்பே ‘மாவீரன்’ படம் 100 கோடி வரை வியாபாரம் செய்துள்ளதாக கூறப்படுகிறது. இதனால் ரசிகர்கள் கொண்டாட்டத்தில் உள்ளனர். இந்தப்படத்தை பக்ரீத் வெளியீடாக ரிலீஸ் செய்ய படக்குழு திட்டமிட்டுள்ளது குறிப்பிடத்தக்கது.