நேற்று பொதுத்தேர்வு எழுதாத மாணவர்களுக்கு மீண்டும் வாய்ப்பு ?

தமிழ்நாட்டில் 12-ம் வகுப்பு பொதுத்தேர்வான தமிழ் மொழித்தேர்வை 50,674 பேர் எழுதவில்லை என பள்ளிக்கல்வித்துறை தகவல் தெரிவித்துள்ளது. தமிழ்நாடு, புதுச்சேரியில் நேற்று தொடங்கிய 12-ம் வகுப்பு பொதுத்தேர்வை 50,674 மாணவ, மாணவிகள் தேர்வை எழுதவில்லை என பள்ளிக்கல்வித்துறை தெரிவித்துள்ளது.

பள்ளிகளை சேர்ந்த 8,51,303 மாணவ, மாணவிகளில் 49,559 பேர் நேற்று 12-ம் வகுப்பு பொதுத்தேர்வை எழுத வரவில்லை என பள்ளிக்கல்வித்துறை தெரிவித்துள்ளது. மேலும் 12-ம் வகுப்பு தமிழ் முதல் தாள் தேர்வை தனித்தேர்வர்கள் 1,115 பேரும் எழுத வரவில்லை என பள்ளிக்கல்வித்துறை தகவல் தெரிவித்தது.

இதுகுறித்து செய்தியாளர்களுக்கு பேட்டியளித்த அமைச்சர் உதயநிதி ஸ்டாலின் , நேற்று +2 பொதுத்தேர்வில் தமிழ் தேர்வு எழுதாத மாணவர்களுக்கு மறு வாய்ப்பு வழங்க நடவடிக்கை எடுக்கப்படும். இது தொடர்பாக கல்வி அமைச்சரிடம் பேசி மீண்டும் தேர்வெழுத வாய்ப்பளிக்கப்படும் என தெரிவித்துள்ளார்.இந்த செய்து தேர்வு எழுதாத மாணவர்களுக்கு மகிழ்ச்சியை ஏற்படுத்தியுள்ளது.