லோகேஷ் கனகராஜ் பிறந்தநாளுக்கு விஜய் கொடுத்த சர்பிரைஸ் என்ன?

இயக்குநர் லோகேஷ் கனகராஜ் மார்ச் 14 ஆம் தேதியான இன்று பிறந்தநாளை கொண்டாடினார். அவருக்கு பாலிவுட் சூப்பர் ஸ்டார் சஞ்சய் தத் உள்ளிட்ட பிரபலங்கள் வாழ்த்து தெரிவித்தனர். சஞ்சய் தத் வெளியிட்ட பிறந்தநாள் வாழ்த்தில் லோகேஷ் கனகராஜை மனம் நெகழ்ந்து வாழ்த்தியுள்ளார். அதில், என் சகோதாரா, மகனே உனக்கு எல்லாம் வல்ல இறைவன் மேலும் பல வெற்றிகளையும், அமைதியையும், மகிழ்ச்சியையும் கொடுக்க வேண்டும் என வேண்டிக் கொள்கிறேன். இப்போது போல் எப்போதும் ஆசீர்வதிக்கப்பட்டவனாக இரு என நெகிழ்ச்சியாக கூறியுள்ளார். அவரின் இந்த அன்பான வார்த்தைகளால் உறைந்து போயிருக்கிறார் இயக்குநர் லோகேஷ் கனகராஜ்.

https://t.co/rbGMXzpyB4 pic.twitter.com/4rWuutKAfs

— Lokesh Kanagaraj (@Dir_Lokesh) March 14, 2023

Thanx a lot @actorvijay na for everything pic.twitter.com/iSc31Xs9q1

— Lokesh Kanagaraj (@Dir_Lokesh) March 14, 2023

இப்போது லோகேஷ் கனகராஜ் லியோ சூட்டிங்கில் பிஸியாக இருக்கிறார். மாஸ்டருக்கு பிறகு தளபதி விஜய் மற்றும் லோகேஷ் மீண்டும் வெற்றிக் கூட்டணியை அமைத்துள்ளனர். இந்த படமும் லோகேஷ் யுனிவர்சில் உருவாகிக் கொண்டிருக்கிறது. மாநகரத்தில் தொடங்கி, கைதி, மாஸ்டர், விக்ரம் என தொடரும் அவரின் பட வரிசையில் லியோவும் இருப்பது விஜய் ரசிகர்களை உற்சாகப்படுத்தியுள்ளது. கேங்ஸ்டர் படமாக இருக்கும் என்பது மட்டும் இப்போதைக்கு உறுதி என அடித்து சொல்கிறார்கள் விஜய் ரசிகர்கள்.

லியோ முதல் கட்ட சூட்டிங் முடிவடைந்து இரண்டாம் கட்ட சூட்டிங் விறுவிறுப்பாக ஜம்மு காஷ்மீரில் நடைபெற்றுக் கொண்டிருக்கிறது. மிஸ்கின் தன்னுடைய முழு காட்சிகளையும் நடித்து முடித்துவிட்டார். திரிஷா, கவுதம் வாசுதேவ் மேனன் மற்றும் விஜய் உள்ளிட்ட நட்சத்திரங்கள் நடித்துக் கொண்டிருக்கும் நிலையில், சஞ்சய் தத்தும் இணைந்திருக்கிறார். சில நாட்களுக்கு முன்பு அவர் செட்டுக்கு வந்ததை லியோ அப்டேட்டாக படக்குழு வெளியிட்டது. ஒட்டுமொத்தமாக லியோ சரவெடியாக வெடிக்கும் என்ற மிகப்பெரிய எதிர்பார்ப்பு நாளுக்கு நாள் எகிறி கொண்டே செல்கிறது.