Dhanush, Selvaraghavan: தனுஷ் ஆசைப்பட்டது செல்வராகவனுக்கு கிடைத்திருக்கிறது என ரசிகர்கள் பேசிக் கொண்டிருக்கிறார்கள்.
ஐஸ்வர்யா ரஜினிகாந்த்தனுஷை பிரிந்த ஐஸ்வர்யா ரஜினிகாந்த் 8 ஆண்டுகள் கழித்து மீண்டும் படம் இயக்கி வருகிறார். லால் சலாம் என பெயர் வைக்கப்பட்டிருக்கும் அந்த படத்தின் முதல்கட்ட ஷூட்டிங் காரைக்குடியில் நடந்து கொண்டிருக்கிறது. விஷ்ணு விஷால், விக்ராந்த், ஜீவிதா ராஜசேகர் உள்ளிட்டோர் படப்பிடிப்பில் கலந்து கொண்டுள்ளனர். இந்நிலையில் தான் படத்தில் மேலும் ஒரு பிரபலம் சேர்ந்திருக்கிறார்.
செல்வராகவன்லால் சலாம் படத்தில் செல்வராகவனை முக்கிய கதாபாத்திரத்தில் நடிக்க வைக்கிறாராம் ஐஸ்வர்யா. இதற்காக செல்வராகவனை சந்தித்து கதை சொல்லி டேட்ஸ் கேட்க, அன்பு மகள் உனக்கு இல்லாத டேட்ஸா என நடிக்க ஒப்புக் கொண்டிருக்கிறாராம் செல்வராகவன். ஐஸ்வர்யா தன் தம்பியின் மனைவி என்றாலும் அவரை மகளாக பார்க்கிறார் செல்வா. மச்சான் செல்வராகவனை அப்பாவாக மதிக்கிறார் ஐஸ்வர்யா.
ரஜினிலால் சலாம் படத்தில் சூப்பர் ஸ்டார் ரஜினிகாந்த் கவுரவத் தோற்றத்தில் நடிக்கிறார். லைகா நிறுவனம் தயாரிக்கும் அந்த படத்தில் இஸ்லாமியராக நடிக்கிறாராம் ரஜினி. சரி இதற்கும், தனுஷுக்கும் என்ன தொடர்பு என்று கேட்கிறீர்களா?, தொடர்பு இருக்கே. தனுஷ் ஒரு ரஜினி வெறியன் ஆவார். தன் தலைவரின் படத்தில் ஒரு காட்சியிலாவது அவருடன் சேர்ந்து நடிக்க வேண்டும் என்பது தனுஷின் நீண்ட கால ஆசையாகும்.
தனுஷ்பா. ரஞ்சித் இயக்கத்தில் ரஜினிகாந்த் நடிப்பில் வெளியான காலா படத்தை தனுஷ் தான் தயாரித்தார். அந்த படத்திலேயே ரஜினியுடன் சேர்ந்து நடிக்க முயன்றும் நடக்கவில்லை. இந்நிலையில் தலைவருடன் சேர்ந்து நடிக்க வேண்டும் என்கிற தன் ஆசையை அவர் அவ்வப்பொழுது வெளிப்படுத்தினார். ஆனால் தனுஷ் ஆசைப்பட்டது அவரின் அண்ணன் செல்வராகவனுக்கு நடக்கிறது.
அப்பாக்கள்லால் சலாம் படத்தில் ரஜினியுடன் சேர்ந்து நடிக்கும் வாய்ப்பு செல்ராகவனுக்கு கிடைத்திருக்கிறது. செல்வராகவனுக்கு கிடைத்த அதிர்ஷ்டம் தனுஷுக்கு எப்பொழுது கிடைக்கும் என்பதே ரசிகர்களின் கேள்வி. லால் சலாம் படத்தில் தன் இரண்டு அப்பாக்களையும் இயக்கும் பாக்கியம் ஐஸ்வர்யாவுக்கு கிடைத்திருக்கிறது என்கிறார்கள் ரசிகர்கள்.
இயக்குநர்ப. பாண்டி படம் மூலம் இயக்குநர் அவதாரம் எடுத்தார் தனுஷ். இதையடுத்து தன் தலைவனை வைத்து ஒரு படத்தையாவது இயக்க வேண்டும் என்கிற ஆசையில் காத்துக் கொண்டிருக்கிறார். ஐஸ்வர்யாவை பிரிந்துவிட்டதால் ரஜினி படத்தை இயக்கும் வாய்ப்பு தனுஷுக்கு கிடைக்காது என்று கூறப்பட்டது. ஆனால் ரஜினியை இயக்கும் வாய்ப்பு ஐஸ்வர்யாவுக்கு கிடைத்துவிட்டது.
ஜெயிலர்ரஜினிகாந்த் தற்போது ஜெயிலர் படத்தில் நடித்து வருகிறார். நெல்சன் திலீப்குமார் இயக்கி வரும் அந்த படத்தின் இறுதிகட்ட ஷூட்டிங் நடந்து வருகிறது. ஜெயிலர் வேலை முடிந்ததும் நேராக லால் சலாம் படப்பிடிப்பில் கலந்து கொள்வாராம் ரஜினி. அவரின் தங்கையாக ஜீவிதா நடிக்கிறார். முதல்முறையாக ரஜினியுடன் சேர்ந்து நடிக்கும் சந்தோஷத்தில் இருக்கிறார் ஜீவிதா.