இன்று நடைபெற்ற 12ஆம் வகுப்பு ஆங்கிலத் தேர்வை எழுதுவதற்கு 50,000 மாணவர்கள் வரவில்லை என்ற அதிர்ச்சி தகவல் வெளியாகியுள்ளது.
+2 பொதுத்தேர்வு தொடங்கி நடைபெற்று வருகிறது. கடந்த திங்கள் கிழமை தேர்வு தொடங்கிய நிலையில், இன்று ஆங்கிலத் தேர்வு நடைபெற்றது. தேர்வு எளிமையாக இருந்ததாக மாணவர்கள் தெரிவித்து வருகின்றனர்.
இந்நிலையில் இன்று 50,000 மாணவர்கள் ஆங்கிலத் தேர்வை எழுதுவதற்கு வரவில்லை என்ற அதிர்ச்சி தகவல் வெளியாகியுள்ளது.
முன்னதாக, கடந்த 13ஆம் தேதி நடைபெற்ற தமிழ்ப்பாடத் தேர்வை 50,000 மாணவர்கள் எழுதாதது இருந்தனர். அச்சம் காரணமாக மாணவர்கள் தேர்வுகள் எழுத வரவில்லை என கூறப்பட்டது.
இந்நிலையில் இன்று நடைபெற்ற ஆங்கிலத் தேர்விலும் தேர்வு எழுதாதவர்களின் எண்ணிக்கை 50 ஆயிரமாக உள்ளது. தேர்வுக்கு வராத மாணவர்களின் பட்டியலை தயாரித்து, அந்த மாணவர்களுக்கு உளவியல் கலந்தாய்வு வழங்க வேண்டும்.
வரும் துணை தேர்வுகளில் அம்மாணவர்கள் பங்கேற்பதை உறுதி செய்ய வேண்டும் என்றும் கல்வியாளர்களும், அரசியல் தலைவர்களும் கோரிக்கை வைத்து வருகின்றனர்.
newstm.in