எஸ்.எஸ். ராஜமவுலி இயக்கத்தில் ராம் சரண், ஜூனியர் என்.டி.ஆர்., ஆலியா பட் உள்ளிட்டோர் நடிப்பில் வெளியான ஆர்.ஆர்.ஆர். படத்தில் வந்த நாட்டு நாட்டு பாடலுக்கு சிறந்த ஒரிஜினல் பாடலுக்கான ஆஸ்கர் விருது கிடைத்தது.
இசையமைப்பாளர் கீரவாணியும், பாடலாசிரியர் சந்திரபோஸும் ஆஸ்கர் விருதை பெற்றுக் கொண்டார்கள். சிறந்த ஒரிஜினல் பாடலுக்கான ஆஸ்கர் விருதை வென்ற முதல் இந்திய பட பாடல் என்கிற சாதனை படைத்திருக்கிறது நாட்டு நாட்டு.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
நாட்டு நாட்டுவுக்கு கிடைத்த ஆஸ்கர் விருதை பற்றி தான் சமூக வலைதளங்களில் இன்னும் பேச்சாக உள்ளது. பிரதமர் முதல் பல்வேறு மாநில முதல்வர்கள் வரை பலரும் ஆர்.ஆர்.ஆர். படக்குழுவுக்கு வாழ்த்து தெரிவித்து ட்வீட் செய்துள்ளனர்.
இந்நிலையில் தான் ஆந்திர மாநில முதல்வரான ஒய்.எஸ். ஜெகன்மோகன் ரெட்டியும் ட்வீட் செய்தார். ட்விட்டரில் அவர் கூறியதாவது,
தெலுங்கு கொடி உயரப் பறக்கிறது. நம் நாட்டுப்புற பாரம்பரியத்தை கொண்டாடும் தெலுங்கு பாடலுக்கு சர்வதேச அளவில் அங்கீகாரம் கிடைத்ததில் பெருமை அடைகிறேன் என்றார்.
ஜெகன்மோகன் ரெட்டியின் ட்வீட்டை பார்த்த பிரபல பாடகரான அத்னன் சாமி போட்ட கமெண்ட் தான் பலரையும் வியக்க வைத்துவிட்டது.
அத்னன் சாமி தன் ட்வீட்டில் கூறியிருப்பதாவது, கடலை பற்றி நினைக்காமல் பிராந்தியத்தை பற்றி மட்டும் நினைக்கும் என்ன ஒரு கிணத்து தவளை. பிராந்தியத்தை வைத்து பிரிவினையை உண்டாக்கும் உங்களை நினைத்து வெட்கமாக இருக்கிறது என தெரிவித்துள்ளார்.
அத்னன் சாமியின் ட்வீட்டை பார்த்த தெலுங்கு ரசிகர்கள் அவரை விளாசினார்கள். இதையடுத்து அவர் மற்றொரு ட்வீட்டில் கூறியிருப்பதாவது, நான் மொழியை பற்றியே பேசவில்லை. எந்த பிராந்தியம் என்பதை தாண்டி அனைத்து மொழிகளும் இந்தியாவின் முதல் என்கிற அடையாளத்தில் தான் வரும், மற்றவை அதன் பிறகே. அவ்வளவு தான். நான் பல்வேறு பிராந்திய மொழிகளில் பாடியிருக்கிறேன். அனைத்து மொழிகளையும் மதிப்பவன் நான் என்கிறார்.
நாட்டு நாட்டு பாடலுக்கு முன்னதாக கோல்டன் குளோப் விருது கிடைத்தது. இதையடுத்து ஆஸ்கர் விருது கிடைத்திருக்கிறது. ஆஸ்கர் விருது விழா மேடையில் வெளிநாட்டு கலைஞர்கள் நாட்டு நாட்டு பாடலுக்கு அற்புதமாக நடனமாடி அசத்தினார்கள்.
அவர்கள் ஆடியதை பார்த்து அரங்கில் இருந்த அனைவரும் எழுந்து நின்று கைதட்டினார்கள். ஆஸ்கர் விருது விழாவில் ராஜமவுலி, அவரின் மனைவி ரமா, மகன், ராம் சரண், அவரின் மனைவி உபாசனா, ஜூனியர் என்.டி.ஆர்., கீரவாணி, அவரின் மனைவி, பாடலாசிரியர் சந்திரபோஸ் உள்ளிட்டோர் கலந்து கொண்டார்கள்.
Oscars 2023, RRR: விசில் போடு: ஆஸ்கர் விழாவில் வேஷ்டி, சேலையில் அசத்திய ஆர்.ஆர்.ஆர். படக்குழு
ஹாலிவுட் விருது விழா என்பதால் ஆர்.ஆர்.ஆர். படக்குழுவினர் மேற்கத்திய உடையில் வரவில்லை. இந்திய பாரம்பரிய உடையில் வந்து ரசிகர்களின் கைதட்டல்களை பெற்றார்கள்.
SS Rajamouli, Oscars 2023: ஆஸ்கர் விருதுக்காக ரூ. 80 கோடி செலவு செய்தாரா ஆர்.ஆர்.ஆர். இயக்குநர் எஸ். ராஜமவுலி?
இதற்கிடையே ஆஸ்கர் விருதை பெறுவதற்காக ராஜமவுலி ரூ. 80 கோடி செலவு செய்தார் என இயக்குநர் தம்மாரெட்டி பரத்வாஜா தெரிவித்தார். அதை பார்த்து பலரும் அவரை விளாசினார்கள் என்பது குறிப்பிடத்தக்கது.