விக்ரம் படத்தின் வெற்றி உலகநாயகனுக்கு புது உத்வேகத்தை கொடுத்துள்ளது என்றுதான் சொல்லவேண்டும். அப்படத்திற்கு முன்பு நான்கு ஆண்டுகள் படமே நடிக்காமல் இருந்த
கமல்
விக்ரம் படத்தின் வெற்றிக்கு பிறகு பல படங்களில் நடிக்க கமிட்டாகி வருகின்றார்.
ஷங்கர் இயக்கத்தில் தற்போது இந்தியன் 2 படத்தில் நடித்து வரும் கமல் அதன் பிறகு வினோத் இயக்கத்தில் ஒரு படத்திலும், ரஞ்சித் இயக்கத்தில் ஒரு படத்தில் நடிக்கவுள்ளார். நடிகராக மட்டுமல்லாமல் ஒரு தயாரிப்பாளராகவும் சுறுசுறுப்பாக இயங்கி வருகின்றார் கமல்.
ராஜ் கமல் பிலிம்ஸ் சார்பாக தற்போது சிவகார்த்திய்க்கேயன், சிம்பு போன்ற நடிகர்களின் படங்களை தயாரிக்க முடிவெடுத்துள்ளார் கமல். சிவகார்த்திகேயன் படத்தை ரங்கூன் பட இயக்குனர் ராஜ்குமார் பெரியசாமி இயக்கவுள்ளார். இப்படத்தின் படப்பிடிப்பு அடுத்த மாதம் துவங்கும் என தகவல்கள் வருகின்றன.
Udhayanidhi: உதயநிதிக்கு அடித்த ஜாக்பாட்..ஆச்சர்யத்தில் கோலிவுட்.. இதை உதயநிதியே எதிர்பார்க்கலையாம்..!
இதையடுத்து கண்ணும் கண்ணும் கொள்ளையடித்தால் என்ற படத்தை இயக்கிய தேசிங்கு பெரியசாமி இயக்கத்தில் சிம்புவின் நடிப்பில் கமல் ஒரு படத்தை தயாரிக்கிறார். இந்நிலையில் இக்கதை தான் ரஜினிக்கு கூறப்பட்ட கதை என்பதும், இதனை சிம்புவிற்காக சில மாற்றங்களை செய்து தேசிங்கு பெரியசாமி உருவாக்கவுள்ளதாகவும் பேசப்பட்டு வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விரைவில் இப்படத்தின் படப்பிடிப்பும் ஆரம்பமாகவுள்ளதாக தகவல்கள் வருகின்றன. இதைத்தொடர்ந்து சிம்பு மற்றும் தேசிங்கு பெரியசாமி கூட்டணியில் உருவாகும் படத்தில் கமல் கெஸ்ட் ரோலில் நடிப்பதாக செய்திகள் வருகின்றன. எப்படி விக்ரம் படத்தில் சூர்யா ரோலக்ஸ் என்ற ஒரு வலுவான ரோலில் நடித்தாரோ அதே போல இப்படத்திலும் ஒரு வலுவான கதாபாத்திரத்தில் கமல் கெஸ்ட் ரோலில் நடிக்கவுள்ளதாக தகவல்கள் வருகின்றன.
எனவே நடிப்பிற்கு பெயர்போன கமல் மற்றும் சிம்பு இருவரும் ஒரே படத்தில் இணைந்து நடிப்பது ஒட்டுமொத்த கோலிவுட் வட்டாரத்தையும் எதிர்பார்ப்பில் ஆழ்த்தியுள்ளது குறிப்பிடத்தக்கது.