தமிழ், மலையாளம், தெலுங்கு, கன்னட படங்களில் வில்லனாக நடித்து பிரபலமானவர் பொன்னம்பலம். உலக நாயகன் கமல் ஹாசன் தொகுத்து வழங்கிய பிக் பாஸ் நிகழ்ச்சியின் 2வது சீசனில் கலந்து கொண்டார்.
கடந்த சில ஆண்டுகளாகவே அவரின் கெரியர் டல்லாக உள்ளது. இந்நிலையில் அவருக்கு சிறுநீரக பிரச்சனை ஏற்பட்டது. அவரை பரிசோதனை செய்த மருத்துவர்களோ, சிறுநீரக மாற்று அறுவை சிகிச்சை செய்ய வேண்டும் என கூறிவிட்டார்கள்.
அறுவை சிகிச்சை செய்யும் அளவுக்கு பணம் இல்லையே, என்ன செய்வது என்று திகைத்தார் பொன்னம்பலம்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் திரையுலக பிரபலங்கள் சிலர் பொன்னம்பலத்திற்கு நிதியுதவி செய்தார்கள். இதையடுத்து கடந்த சில மாதங்களுக்கு முன்பு அவருக்கு சிறுநீரக மாற்று அறுவை சிகிச்சை நடந்தது.
இந்நிலையில் பேட்டி ஒன்றில் பொன்னம்பலம் கூறியிருப்பதாவது,
தனுஷ் தம்பிக்கு நன்றி சொல்லியே ஆக வேண்டும். நான் அவருடன் போனில் பேசிக் கொண்டிருந்தபோதே என் வங்கி கணக்கிற்கு பணம் அனுப்பி வைத்தார். இப்படி அவர் உதவுவார் என நான் நினைக்கவில்லை. நான் எதிர்பார்த்ததை விட 10 படங்கு அதிக தொகையை அனுப்பி வைத்தார். கடந்த மூன்று ஆண்டுகளாக நான் கஷ்டப்படாத அளவுக்கு தனுஷ் உதவி செய்திருக்கிறார் என்றார்.
பொன்னம்பலம் கூறியதை கேட்ட தனுஷ் ரசிகர்கள் சந்தோஷப்பட்டுள்ளனர். அண்ணன் சத்தமில்லாமல் இப்படி ஒரு உதவி செய்திருக்கிறாரே என்கிறார்கள்.
பொன்னம்பலத்திற்கு தெலுங்கு மெகாஸ்டார் சிரஞ்சீவியும் உதவி செய்திருக்கிறார். அது குறித்து பொன்னம்பலம் கூறியதாவது,
நண்பர் ஒருவர் மூலம் சிரஞ்சீவியின் செல்போன் நம்பர் கிடைத்தது. உதவி கேட்டு அவருக்கு மெசேஜ் அனுப்பினேன். 10 நிமிடம் கழித்து சிரஞ்சீவியே போன் செய்தார். என் உடல்நலம் குறித்து விசாரித்தார். ஹைதராபாத் வந்து சிகிச்சை பெற முடியுமா என்று கேட்டார்.
Dhanush: ஐஸ்வர்யாவுக்கு துரோகம் செய்த தனுஷ்?: யோவ் டுபாக்கூர், கையில கெடச்ச, அவ்ளோ தானு விளாசும் ரசிகாஸ்
என் உடம்பு இருக்கும் நிலையில் ஹைதராபாத் வரை வர முடியாது என்றேன். இதையடுத்து சென்னையில் இருக்கும் அப்பல்லோ மருத்துவமனைக்கு போங்க, எல்லாத்தையும் நான் பார்த்துக் கொள்கிறேன் என்றார்.
மருத்துவமனைக்கு சென்றபோது என்னிடம் ஒரு பைசா வாங்காமல் சிகிச்சை அளித்தார்கள். மொத்த செலவையும் சிரஞ்சீவி ஏற்றுக் கொண்டார். அவர் எனக்கு அண்ணன் போன்றவர். ராம் சரணின் மனைவி உபாசனாவுக்கு சொந்தமானது அப்பல்லோ மருத்துவமனை. அதனால் என்னை சிறப்பாக கவனித்துக் கொண்டார்கள் என்றார்.
பொன்னம்பலம் மேலும் கூறியதாவது, நான் மது அருந்தியதுடன், போதைப் பொருள் பயன்படுத்தியதால் தான் என் சிறுநீரகங்கள் பாதிக்கப்பட்டதாக பலரும் நினைத்தார்கள். அது காரணம் இல்லை. என் தந்தைக்கு நான்கு மனைவிகள். அதில் மூன்றாவது மனைவியின் மகன் என் மேனேஜராக இருந்தார். அவரை நம்பினேன். ஆனால் அவரோ எனக்கு உணவில் ஸ்லோ பாய்சன் கலந்து கொடுத்துவிட்டார். அதனால் தான் என் சிறுநீரகங்கள் பாதிக்கப்பட்டது.
நான் நன்றாக நடித்து சம்பாதிக்கிறேன். அவரால் அப்படி இருக்க முடியவில்லை என்கிற பொறாமையில் விஷம் கொடுத்துவிட்டார் என்றார்.