அனைத்திந்திய அண்ணா திராவிட முன்னேற்றக் கழகப் பொதுச் செயலாளர் தேர்தல் அறிவிக்கப்பட்டுள்ளது.
அதிமுக தலைமை கழகம் வெளியிட்ட அறிக்கையில், ‘‘அனைத்திந்திய அண்ணா திராவிட முன்னேற்றக் கழக சட்ட திட்ட விதி: 20 (அ); பிரிவு – 2ல் குறிப்பிடப்பட்டுள்ளவாறு, “கழகப் பொதுச் செயலாளர்” கழகத்தின் அடிப்படை உறுப்பினர்களால் தேர்ந்தெடுக்கப்படுவார்” என்ற விதிமுறைக்கு ஏற்ப “கழகப் பொதுச் செயலாளர்” பொறுப்பிற்கான தேர்தல் கீழ்க்கண்ட கால அட்டவணைப்படி நடைபெறும்.
அதிமுக தலைமை கழக அறிக்கை
நாளை (18ம் தேதி) சனிக்கிழமை வேட்பு மனு தாக்கல் ஆரம்பிக்கப்படுகிறது. அதன்படி காலை 10 மணி முதல் பிற்பகல் 3 மணி வரையில் வேட்புமனுவை தாக்கல் செய்யலாம். ஞாயிற்று கிழமை வேட்பு மனு தாக்கல் கடைசி நாள் ஆகும். அதன்படி பிற்பகல் 3 மணிக்குள்ளாக வேட்பு மனுவை தாக்கல் செய்ய வேண்டும்.
அதிமுக தலைமை கழக அறிக்கை
அதேபோல் வருகிற திங்கள் கிழமை (20ம் தேதி) வேட்பு மனு பரிசீலனை செய்யப்படும். செவ்வாய்கிழமை (21ம் தேதி) பிற்பகல் 3 மணி வரை வேட்பு மனு திரும்பப் பெறலாம். அதைத் தொடர்ந்து வருகிற 26ம் தேதி ஞாயிற்று கிழமை காலை 8 மணி முதல் மாலை 5 மணி வரை வாக்குப் பதிவு நடைபெறும். பதிவு செய்யப்பட்ட வாக்குகள் வருகிற 27ம் தேதி திங்கள் கிழமை 9 மணி முதல் எண்ணிப்படும்.
கண்ணாடி மாட்டுங்க time travel பண்ணுங்க
“கழகப் பொதுச் செயலாளர்” பொறுப்பிற்கு போட்டியிட விரும்பும் கழக உடன்பிறப்புகள், மேற்கண்ட கால அட்டவணைப்படி, தலைமைக் கழகத்தில் கட்டணத் தொகை ரூ. 25,000/- (ரூபாய் இருபத்தி ஐந்தாயிரம் மட்டும்) செலுத்தி விருப்ப மனுக்களைப் பெற்று, கழக சட்ட விதி – 20அ; பிரிவு – 1, (a), (b), (c) ஆகியவற்றில் கூறப்பட்டுள்ள விதிமுறைகளைப் பின்பற்றி தங்களுடைய விருப்ப மனுக்களைப் பூர்த்தி செய்து தலைமைக் கழகத்தில் வழங்கலாம்.
“கழகப் பொதுச் செயலாளர்” பொறுப்பிற்கான தேர்தல் முறையாக நடைபெறுவதற்கு, கழகத்தில் பல்வேறு நிலைகளில் பணியாற்றி வரும் அனைத்து நிர்வாகிகளும், கழக உடன்பிறப்புகளும் முழு ஒத்துழைப்பு நல்கிடுமாறு கேட்டுக் கொள்கிறோம்’’ என அறிக்கையில் கூறப்பட்டுள்ளது.