காஷ்மீரில் ஷூட்டிங் முடிந்ததும் 'லியோ' படத்திற்காக லோகேஷின் மாஸ்டர் பிளான்!

லோகேஷ் கனகராஜ் மற்றும் தளபதி விஜய் கூட்டணியில் உருவாகிவரும் பிரம்மாண்ட ஆக்ஷன் திரைப்படமான ‘லியோ’ படத்தின் மீது ரசிகர்களுக்கு நாளுக்கு நாள் எதிர்பார்ப்பு பெருகி வருகிறது.  லோகேஷ்-விஜய் இணையப்போவதாக உறுதிப்படுத்தப்படாத செய்திகள் வெளியானபோதே அதிக எதிர்பார்ப்பில் இருந்து வந்த ரசிகர்கள், தற்போது படத்தின் அதிகாரபூர்வ அறிவிப்பு வந்ததிலிருந்து விஜய் ரசிகர்கள் அனைவரும் உற்சாகத்தில் இருந்து வருகின்றனர்.  லியோ படக்குழுவினர் கடும் குளிரையும் பொருட்படுத்தாது காஷ்மீரில் படப்பிடிப்பு பணிகளை மேற்கொண்டு வருகின்றனர்.  காஷ்மீரில் மகிழ்ச்சியாக படிப்பிடிப்பு நடத்தி வரும் லியோ படக்குழுவினரின் சில புகைபபடங்கள் வெளியாகி சமூக வலைத்தளங்களில் கவனத்தை ஈர்த்து வைரலாகி வருகின்றது.  ‘லியோ‘ படத்தின் சிறிய ஷெட்யூலை படக்குழுவினர் சென்னையில் நடத்தி முடித்த பின்னர் பிப்ரவரி மாதம் முதல் காஷ்மீர் பகுதியில் நடத்தி வருகின்றனர். 

Thank you @duttsanjay sir, you’ve been such a sweet & down to earth person.Our entire team enjoyed seeing your performance so close by, you rocked as usual sir.

Eagerly waiting to see you back on the sets in the Chennai schedule.

– With Luv,Team #LEO pic.twitter.com/4bPn09c9Ea

— Seven Screen Studio (@7screenstudio) March 17, 2023

ஹைதராபாதில் உள்ள ராமோஜி பிலிம் சிட்டியில் பிரம்மாண்டமாக விமான நிலையம் அமைக்கும் பணிகள் நடைபெற்று வருவதாகவும், இந்த இடத்தில் ‘லியோ’ படத்தின் பிரம்மாண்டமான க்ளைமேக்ஸ் காட்சி படம்பிடிக்கப்படும் என்று தகவல்கள் வெளியாகியுள்ளது.  க்ளைமேக்ஸ் காட்சி சுமார் 20 நாட்களுக்கு இந்த பகுதியில் நடத்தப்படும் என்று கூறப்படுகிறது, ஹைதராபாத்தில் படப்பிடிப்பு நடத்தப்பட்டதோடு ‘லியோ‘ படத்தின் முழு படப்பிடிப்பு பணிகளும் முடிவடைந்துவிடும்.  செவன் ஸ்க்ரீன் ஸ்டுடியோஸ் நிறுவனம் தயாரிக்கும் இந்த படத்தில் திரிஷா, அர்ஜுன், கெளதம் வாசுதேவ் மேனன், மிஷ்கின், மேத்யூ தாமஸ், ப்ரியா ஆனந்த், சாண்டி, பிக்பாஸ் ஜனனி போன்ற பல நட்சத்திரங்கள் நடித்துள்ளனர்.  இப்படத்திற்கு அனிருத் இசையமைக்கிறார்.