சென்னை: இந்திய ஸ்மார்ட்போன் சந்தையில் ரியல்மி சி55 ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
உலக அளவில் ஆண்ட்ராய்டு போன்களை உற்பத்தி செய்து வரும் சீன தேச எலக்ட்ரானிக் பொருட்கள் உற்பத்தி நிறுவனமான ரியல்மி நிறுவனம் அவ்வப்போது தங்கள் நிறுவன பயனர்களுக்காக புதிய அப்டேட்களுடன் கூடிய ஸ்மார்ட்போன்களை அறிமுகம் செய்வது வழக்கம். இந்த நிறுவனம் இந்தியாவில் பட்ஜெட் விலையில் போன்களை விற்பனை செய்து வருகிறது. ஒப்போவின் துணை நிறுவனமாக சந்தையில் களம் கண்டு பின்னர் தனியொரு பிராண்டாக ரியல்மி உருவானது. தற்போது சி55 ஸ்மார்ட்போனை ரியல்மி அறிமுகம் செய்துள்ளது. பட்ஜெட் விலையில் இந்த போன் அறிமுகம் செய்யப்பட்டுள்ளது.
சிறப்பு அம்சங்கள்:
- 6.72 இன்ச் திரை அளவு
- ஃபுள் ஹெச்டி+ டிஸ்பிளே
- ஆப்பிள் போனில் இருப்பது போலவே மினி கேப்ஸ்யூல் அம்சத்தை கொண்டுள்ளது இந்த போன்
- பின்பக்கத்தில் இரண்டு கேமரா உள்ளது. அதில் 64 மெகாபிக்சல் ஏஐ கேமரா பிரதான கேமராவாக இடம் பெற்றுள்ளது
- 8 மெகாபிக்சல் கொண்டுள்ளது முன்பக்க கேமரா
- மீடியாடெக் ஹீலியோ ஜி88 சிப்செட்
- 5000mAh பேட்டரி
- 33 வாட்ஸ் அதிவேக சார்ஜிங் திறன்
- ஆண்ட்ராய்டு 13 இயங்குதளம்
- டைப் சி சார்ஜிங் போர்ட்
- 4ஜிபி + 64ஜிபி, 6ஜிபி + 64ஜிபி/128ஜிபி என மூன்று வேரியண்ட்களில் இந்த போன் கிடைக்கிறது
- அதன் விலை முறையே ரூ.10,999, ரூ.11,999 மற்றும் ரூ.12,999 என தெரிவிக்கப்பட்டுள்ளது. விலையில் அறிமுகம் சலுகையும் அறிவிக்கப்பட்டுள்ளது. இப்போது முன்பதிவு நடைபெற்று வருகிறது. இரண்டு வண்ணங்களில் இந்த போன் கிடைக்கும்
Introducing the future of smartphone interface, Mini Capsule! #realmec55 #EntertainmentKaChampion @Flipkart
Know more: https://t.co/NLwVMVJ7PP pic.twitter.com/6rSHjRk91b
— realme (@realmeIndia) March 19, 2023