நெல்சன் திலீப்குமார் இயக்கத்தில் ரஜினி நடிக்கும் ‘ஜெயிலர்’ படப்பிடிப்பு விறுவிறுப்பாக நடந்து வரும் நிலையில் ரிலிஸ் குறித்த தகவல்கள் வெளியாகியுள்ளது.
ரஜினியின் ஜெயிலர்ரஜினியின் ‘ஜெயிலர்’ படப்பிடிப்பு தற்போது விறுவிறுப்பாக நடந்து வருகிறது. நெல்சன் திலீப்குமார் இயக்கும் இந்தப்படத்தில் பல மொழிகளை சார்ந்த பிரபலங்கள் நடித்து வருகின்றனர். இந்நிலையில் ‘ஜெயிலர்’ படம் குறித்து வெளியாகியுள்ள லேட்டஸ்ட் தகவல் ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது.
சொதப்பிய அண்ணாத்தரஜினி நடிப்பில் கடைசியாக ‘அண்ணாத்த’ படம் வெளியானது. சிறுத்தை சிவா இயக்கத்தில் வெளியான இந்தப்படம் ஏகப்பட்ட நெகட்டிவ் விமர்சனங்களை குவித்தது. இதனால் ரஜினியின் அடுத்தப்படம் குறித்து ரசிகர்கள் மத்தியில் ஏகப்பட்ட எதிர்பார்ப்புகள் நிலவி வருகிறது. ‘அண்ணாத்த’ படத்திற்கு பிறகு ரஜினியை இயக்குவதில் பல இளம் இயக்குனர்களின் பெயர்கள் அடிப்பட்டது.
நெல்சனுடன் இணைந்த ரஜினிஇதனையடுத்து ரஜினியை இயக்கும் வாய்ப்பை நெல்சன் கைப்பற்றினர். இவரது இயக்கத்தில் கடைசியாக ‘பீஸ்ட்’ படம் வெளியானது. இந்தப்படமும் ஏகப்பட்ட நெகட்டிவ் விமர்சனங்களை சந்தித்து பாக்ஸ் ஆபிசில் படு தோல்வியை சந்தித்தது. இதனால் தனது அடுத்த படத்தை எப்படியாவது ஹிட்டாக்கி விட வேண்டும் என்ற முனைப்போடு செயல்பட்டு வருகிறார் நெல்சன் திலீப்குமார்.
ரஜினியுடன் இணைந்த ரம்யா கிருஷ்ணன்சன் பிக்சர்ஸ் தயாரிப்பில் நெல்சன் திலீப்குமார் இயக்கத்தில் ரஜினி நடிப்பில் ‘ஜெயிலர்’ படம் துவங்கியது. இந்தப்படத்தில் ரஜினியுடன் நீண்ட இடைவேளைக்கு பிறகு ரம்யா கிருஷ்ணன் இணைந்துள்ளார். மேலும், விநாயகன், வசந்த் ரவி, தமன்னா, யோகி பாபு உள்ளிட்டோர் இந்தப்படத்தில் நடித்து வருகின்றனர். இதன் படப்பிடிப்பு விறுவிறுப்பாக நடந்து வரும் நிலையில் ரசிகர்கள் ஜெயிலர் ரிலீசுக்காக ஆர்வமுடன் காத்து வருகின்றனர்.
பான் இந்தியா படமாக ஜெயிலர்மேலும் ‘ஜெயிலர்’ படத்தில் மலையாள நடிகர் மோகன்லால், கன்னட பிரபலம் சிவராஜ்குமார், தெலுங்கு நடிகர் சுனில், பாலிவுட் பிரபலம் ஜாக்கி ஷெரப் உள்ளிட்டோர் நடித்து வருகின்றனர். பல மொழிகளை சேர்ந்த பிரபலங்கள் இந்தப்படத்தில் நடித்து வருவதால் பான் இந்தியா படமாக ‘ஜெயிலர்’ உருவாகி வருகிறதா என்ற எதிர்பார்ப்பு ரசிகர்கள் மத்தியில் நிலவி வருகிறது.
லால் சலாமில் ரஜினிஇப்படம் தீபாவளி வெளியீடாக ரிலீசாகும் என கூறப்பட்டது. இந்நிலையில் லேட்டஸ்ட் தகவலாக தீபாவளிக்கு முன்னதாகவே சுதந்திர தினத்தை முன்னிட்டு ஆகஸ்ட் 15 ஆம் ‘ஜெயிலர்’ படம் ரிலீசாகவுள்ளதாக செய்திகள் வெளியாகியுள்ளது. இதனால் ரஜினி ரசிகர்கள் குஷியாகியுள்ளனர். ரஜினி அடுத்ததாக தனது மகள் ஐஸ்வர்யா இயக்கும் ‘லால் சலாம்’ படத்தில் கெஸ்ட் ரோலில் நடிப்பது குறிப்பிடத்தக்கது.