என் தங்கை கல்யாணி படம் மூலம் நடிகரானார் வடிவேலு. விஜயகாந்தின் சின்னக் கவுண்டர் படத்தில் நடித்தார். வடிவேலு மீது தனி பாசமாக இருந்தார்
விஜயகாந்த்
.
சின்னக் கவுண்டர் படத்தில் வடிவேலு தன்னுடனேயே இருக்குமாறு காட்சி அமைக்கும்படி இயக்குநரிடம் கூறினாராம் விஜயகாந்த். தொடர்ந்து தன் படங்களுக்கு வடிவேலுவை பரிந்துரை செய்தார். அண்ணன், அண்ணன் என்று வடிவேலுவும், விஜயகாந்த் மீது பாசமாக இருந்தார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் கடந்த 2011ம் ஆண்டு நடந்த தமிழக சட்டசபை தேர்தலில் திமுக கூட்டணிக்கு ஆதரவாக பிரச்சாரம் செய்ய வடிவேலுவை அழைத்தார்கள். யாரும் எதிர்பார்க்காதபடி தேமுதிக தலைவரான விஜயகாந்தை தாக்கிப் பிரச்சாரம் செய்தார் வடிவேலு.
வளர்த்து விட்டவரையே இப்படி பேசுகிறாரே இந்த வடிவேலு என சினிமா ரசிகர்கள் அதிருப்தி அடைந்தார்கள். அதன் பிறகு வடிவேலுவின் கெரியர் அடிவாங்கத் துவங்கியது. அப்பொழுது அடிவாங்கிய கெரியர் தற்போது வரை பழையபடி ஆகவில்லை.
நல்லா இருந்த மனுஷன் ஏன் திடீரென்று விஜயகாந்தை அந்த அளவுக்கு விளாசினார் என பலரும் கேட்டு வந்தார்கள். இந்நிலையில் தான் நடிகர் மீசை ராஜேந்திரன் மூலம் அதற்கான பதில் கிடைத்திருக்கிறது.
பேட்டி ஒன்றில் மீசை ராஜேந்திரன் கூறியதாவது, வடிவேலுவின் அலுவலகத்திற்கு அருகில் தான் விஜயகாந்தின் அக்கா வசித்து வந்தார். அவரின் கணவர் இறந்தபோது அஞ்சலி செலுத்த பலரும் வந்தார்கள்.
Aishwarya Rajinikanth:ஐஸ்வர்யா வீட்டில் நகை திருடிய பணிப்பெண் சிக்கினார்: 4 வருஷமா 20 பவுன் திருட்டு
அவர்கள் எல்லாம் வடிவேலுவின் அலுவலகத்திற்கு முன்பு தங்கள் வாகனங்களை நிறுத்தி வைத்தார்கள். அப்பொழுது அங்கு வந்த வடிவேலு தன் அலுவலகம் முன்பு வாகனங்களாக இருந்ததை பார்த்து கோபப்பட்டார், சாவு வீட்டிற்கு வந்தவர்களுடன் சண்டைக்கும் சென்றார். அங்கு தான் வடிவேலுவுக்கும், விஜயகாந்துக்கும் இடையே பிரச்சனை துவங்கியது என நினைக்கிறேன் என்றார்.
2011ம் ஆண்டுக்கு முன்பு வடிவேலுவிடம் டேட்ஸ் வாங்குவது பெரிய விஷயமாக இருந்தது. வயது வித்தியாசம் இல்லாமல் இளம் ஹீரோக்கள் முதல் சீனியர் ஹீரோக்கள் வரை அனைவரின் படங்களிலும் அதுவும் வெயிட்டான கதாபாத்திரங்களில் நடித்து வந்தார் வடிவேலு. சில படங்களில் ஹீரோக்களுக்கு நிகராகவும் நடித்தார்.
2011ம் ஆண்டுக்கு பிறகு வடிவேலுவின் கெரியர் சொல்லிக்கொள்ளும்படி இல்லை. அவர் நடித்த படங்கள் எதுவும் ஓடவில்லை. அட்லி இயக்கித்தில் விஜய் நடித்த மெர்சல் படத்தில் நடித்தார் வடிவேலு. ஆனால் அதுவும் அவருக்கு கை கொடுக்கவில்லை.
Ponniyin selvan 2: வந்தியத்தேவன் கார்த்திக்கு குந்தவை த்ரிஷா செய்த அநியாயம்: என்னம்மா இப்படி பண்றீங்களேமா
பெரிதும் எதிர்பார்க்கப்பட்ட நாய் சேகர் ரிட்டர்ன்ஸ் படமும் ஓடவில்லை. இந்நிலையில் தான் மாரி செல்வராஜ் இயக்கத்தில் அமைச்சர் உதயநிதி ஸ்டாலினுடன் சேர்ந்து மாமன்னன் படத்தில் நடித்துள்ளார். மேலும் சந்திரமுகி 2 படத்திலும் நடித்து வருகிறார்.
சந்திரமுகி படத்தில் ரஜினிகாந்த், வடிவேலு இடையேயான காமெடி காட்சிகள் படத்திற்கு பெரிய அளவில் கை கொடுத்தது. அந்த காமெடி காட்சிகள் இன்றளவும் பிரபலம் என்பது குறிப்பிடத்தக்கது.