லோகேஷ் கனகராஜ் இயக்கத்தில் விஜய் நடிக்கும் ‘லியோ’ படத்தின் அறிவிப்பு வெளியானதில் இருந்தே ரசிகர்கள் மத்தியில் எக்கச்சக்க எதிர்பார்ப்பு நிலவி வருகிறது. இந்தப்படம் குறித்து இணையத்தில் வெளியாகும் ஒவ்வொரு தகவலும் இணையத்தை கலக்கி வருகின்றன. மேலும் கோலிவுட் சினிமே அதிகம் எதிர்பார்க்கும் படமாக ‘லியோ’ உருவாக்கி வருகிறது.
கடந்த ஜனவரி மாதம் விஜய் நடிப்பில் ‘வாரிசு’ படம் வெளியானது. தமிழ், தெலுங்கு மொழியில் வம்சி பைடிபள்ளி இயக்கத்தில் வெளியான இந்தப்படத்தை தில் ராஜு தயாரித்திருந்தார். ராஷ்மிகா மந்தனா, சரத்குமார், ஜெயசுதா, பிரபு, ஷாம், சங்கீதா, யோகி பாபு உள்ளிட்ட திரையுலக பிரபலங்கள் ‘வாரிசு’ படத்தில் நடித்தனர். வசூல் ரீதியாக வரவேற்பை பெற்ற இந்தப்படம் ரசிகர்களின் எதிர்பார்ப்பை முழுமையாக பூர்த்தி செய்யவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘வாரிசு’ படத்தின் ரிலீசுக்கு முன்பாகவே லோகேஷ் கனகராஜ் இயக்கத்தில் விஜய் நடிப்பது உறுதியானது. ஆனாலும் இதுக்குறித்து படக்குழுவினர் எந்த அறிவிப்பும வெளியிடாமல் இருந்தனர். இதனையடுத்து ‘வாரிசு’ பட ரிலீசுக்கு பின்பாகவே ‘லியோ’ டைட்டிலும், இதற்கான புரமோவீடியோவையும் வெளியிட்டு மாஸ் காட்டினர் படக்குழுவினர்.
Jailer: ‘ஜெயிலர்’ படத்தின் வெறித்தனமான அப்டேட்: தலைவர் ஆட்டம் ஆரம்பம்.!
இந்நிலையில் காஷ்மீரில் ‘லியோ’ படப்பிடிப்பு விறுவிறுப்பாக நடந்து வரும் நிலையில் அங்கு நிலநடுக்கம் ஏற்பட்டுள்ளது. நேற்று இரவு வட இந்தியாவில் சில வினாடிகள் நிலநடுக்கம் உணரப்பட்டுள்ளது. இதனையடுத்து ‘லியோ’ படப்பிடிப்பு தளத்திலும் நிலநடுக்கம் ஏற்பட்டுள்ளதை எழுத்தாளரும், இயக்குனருமான ரத்னகுமார் தனது ட்விட்டர் பக்கத்தில் உறுதி செய்தார்.
இதனால் தளபதிக்கு என்னாச்சு? லியோ படக்குழுவினர் பத்திரமாக உள்ளனரா என்ற பதற்றம் ரசிகர்கள் மத்தியில் நிலவியது. இந்நிலையில் ‘லியோ’ படத்தின் தயாரிப்பு நிறுவனம் தனது டட்விட்டர் பக்கத்தில், சந்திரமுகி படத்தில் வடிவேலு பயந்து கொண்டே அரண்மனைக்குள் செல்லும் மீம் டெம்ப்ளேட்டை பகிர்ந்து, நாங்க நலம் நண்பா என பதிவிட்டுள்ளது. இதனால் ரசிகர்கள் தற்போது நிம்மதி பெருமூச்சு விட்டுள்ளனர்.
‘லியோ’ படத்தினை செவன் கீரின் ஸ்டுடியோ பிரம்மாண்டமாக தயாரித்து வருகிறது. இந்தப்படத்தில் பிரபல பாலிவுட் நடிகர் சஞ்சய் தத், மேலும் இயக்குனர்கள் மிஷ்கின், கெளதம் மேனன் மற்றும் அர்ஜுன், மன்சூர் அலிகான், ப்ரியா ஆனந்த், சாண்டி மாஸ்டர் உள்ளிட்டோர் நடித்து வருகின்றனர். அத்துடன் நீண்ட இடைவேளைக்கு பிறகு விஜய், திரிஷா கூட்டணி லியோவில் இணைந்துள்ளது. அனிருத் இந்தப்படத்திற்கு இசையமைப்பது குறிப்பிடத்தக்கது.
Kovai Guna: நகைச்சுவை நடிகர் கோவை குணா திடீர் மரணம்: திரைத்துறையில் மற்றுமொரு சோகம்.!