இந்தியளவில் லோகேஷ் விஜய்யை வைத்து இயக்கிவரும் லியோ படத்திற்கு இந்தியளவில் எதிர்பார்ப்பு இருந்து வருகின்றது. பொதுவாகவே விஜய் படங்கள் என்றால் எதிர்பார்ப்பு அதிகளவில் இருக்கும். ஆனால் இம்முறை சென்சேஷ்னல் இயக்குனரான லோகேஷுடன் விஜய் மீண்டும் இணைவதால் எதிர்பார்ப்பு பலமடங்கு உயர்ந்துள்ளது.. மேலும் இப்படம் முழுக்க முழுக்க லோகேஷின் செயலில் உருவாகும் படமாக இருக்கும் என்பதால் லியோ படத்தை காண ரசிகர்கள் ஆவலாக இருக்கின்றனர். இப்படத்தின் மூலம் நாம் விஜய்யை வேறுகோணத்தில் பார்க்கலாம் என்ற எதிர்பார்ப்பில் இருக்கின்றனர் விஜய் ரசிகர்கள். தற்போது இப்படத்தின் படப்பிடிப்பு காஷ்மீரில் விறுவிறுப்பாக நடைபெற்று வருகின்றது
LCU இந்நிலையில் லியோ திரைப்படம் LCU வா இல்லையா ?என்பது தான் அனைவரது கேள்வியாகவும் இருக்கின்றது. அதன் படி லியோ கண்டிப்பாக LCU வை சார்ந்த படம்தான் என ஒரு தகவல் வந்துள்ளது. ஆனால் கைதி படத்தின் கதை துவங்குவதற்கு முன்பு என்ன நடந்தது என்பது தான் லியோ படத்தின் கதையாம். எனவே LCU விற்கு அஸ்திவாரம் போடும் விதமாக லியோ படத்தின் கதை இருக்கும் என எதிர்பார்க்கப்படுகின்றது. எனவே இந்த தகவல் ரசிகர்களை குஷியில் ஆழ்த்தியுள்ளது. இருப்பினும் இதைப்பற்றி எந்த ஒரு அதிகாரபூர்வ அறிவிப்பும் வெளியாகவில்லை என்பது குறிப்பிடத்தக்கது
வசூல் சாதனை லியோ படத்தின் பூஜை துவங்கும் முன்பே இப்படம் தயாரிப்பாளருக்கு பல கோடி லாபத்தை பெற்று தந்துள்ளது. லியோ படத்தின் சாட்டிலைட் மற்றும் டிஜிட்டல் ரைட்ஸ் மட்டும் பல கோடிக்கு வியாபராமகியுள்ளது. இதனால் தற்போது லியோ லாபகரமான படமாக தயாரிப்பாளருக்கு அமைந்துவிட்டது. இதையடுத்து லியோ படத்திற்கு இருக்கும் எதிர்பார்ப்பை வைத்து இப்படம் ஆயிரம் கோடி வசூல் செய்யும் என எதிர்பார்க்கப்படுகின்றது.இதுவே படக்குழுவின் திட்டமாகவும் இருக்கின்றது. இந்நிலையில் லியோ திரைப்படம் தரமாக அமையும் பட்சத்தில் ஆயிரம் கோடி வசூலை எளிதில் அடைந்துவிடும். இதன் மூலம் விஜய்யின் வியாபாரம் அடுத்தகட்டத்துக்கு செல்லும். பொதுவாக விஜய்யின் படங்கள் விமர்சனத்திற்கு அப்பாற்பட்டு வசூலை குவிக்கும், அந்த அளவிற்கு விஜய்யின் அந்தஸ்து உயர்ந்துள்ளது. எனவே லியோ படம் நன்றாக இருக்கும் பட்சத்தில் வசூலில் புது புது சாதனைகளை படைக்க அதிக வாய்ப்புகள் இருக்கின்றது
போட்டிக்கு வரும் கமல் லியோ திரைப்படம் ஆயிரம் கோடி வசூலை எட்டலாம் என எண்ணியிருக்கும் வேளையில் அதற்கு முட்டுக்கட்டையாக உலகநாயகன் கமல்ஹாசன் இருக்கிறாராம். பல வருடங்களாக கிடப்பில் இருந்த இந்தியன் 2 படத்தின் படப்பிடிப்பு தற்போது விறுவிறுப்பாக நடைபெற்று வருகின்றது. இந்நிலையில் இப்படம் தீபாவளி பண்டிகையை முன்னிட்டு திரையில் வெளியாகவுள்ளது.ஷங்கரின் பிரம்மாண்ட இயக்கம், கமலின் நடிப்பு என இப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு இருந்து வருகின்றது.இந்தியளவில் எதிர்பார்க்கும் இந்தியன் 2 திரைப்படம் லியோ படம் வெளியான இரண்டே வாரங்களில் வெளியாவதால் இதன் காரணமாக லியோ படத்தின் வசூல் பாதிக்கப்படும் அபாயம் ஏற்பட்டுள்ளது. என்னதான் இரண்டு வாரங்கள் கழித்து இந்தியன் 2 வெளியானாலும் அது லியோ படத்தின் வசூலில் மிகப்பெரிய தாக்கத்தை ஏற்படுத்தக்கூடும். எனவே இதன் காரணமாக லியோ படக்குழு கலக்கத்தில் இருக்கின்றதாம். இருப்பினும் விஜய் மற்றும் லோகேஷிற்கு என்று தனி ரசிகர்கள் பட்டாளம் இருப்பதால் லியோ படம் நினைத்தபடி ஆயிரம் கோடி வசூலை எட்டும் என எதிர்பார்க்கப்படுகின்றது