இந்திய குடிமக்கள் அனைவருக்கும் ஆதார் கார்டு அத்தியாவசிய அடையாள அட்டையாக இருக்கிறது. அரசு நலத் திட்டங்களை பெறுவது முதல் வங்கி சேவைகள் பயன்படுத்துவது வரை எல்லாவற்றுக்குமே ஆதார் கார்டு அவசியம் தேவைப்படுகிறது.அதே போல் ஏழை, எளிய மக்கள் ரேஷன் கடைகளில் அரிசி, கோதுமை உள்ளிட்ட உணவு தானியங்கள் மற்றும் உணவுப் பொருட்களை பெற்றுக்கொள்வதற்கு ரேஷன் கார்டு அவசியமாக தேவைப்படுகிறது. எனினும், போலி ரேஷன் கார்டுகள் ஒரு பிரச்சினையாக நீடித்து வருகிறது.
எனவே, போலி ரேஷன் கார்டு பிரச்சினையை தீர்ப்பதற்காக ரேஷன் கார்டுதாரர்கள் அனைவரும் ரேஷன் அட்டையை ஆதார் அட்டையுடன் கட்டாயமாக இணைக்க வேண்டும் என மத்திய அரசு தெரிவித்திருந்தது. இதற்கு மார்ச் 31 ஆம் தேதி கடைசி நாள் எனவும் அரசு தெரிவித்தது.
இந்நிலையில், ஆதார் – ரேஷன் கார்டு இணைப்பதற்கான கடைசி தேதியை ஜூன் 30ஆம் தேதி வரை நீட்டித்து மத்திய அரசு உத்தரவிட்டுள்ளது. இதனால், இந்திய மக்கள் அனைவரும் ஆதார் – ரேஷன் கார்டுகளை வரும் ஜூன் 30ஆம் தேதி வரை நீட்டிக்கப்படுவதாக மத்திய அரசு தெரிவித்துள்ளது. ரேஷன் கார்டுதாரர்கள் தங்கள் ரேஷன் – ஆதார் கார்டுகளை அருகில் உள்ள ரேஷன் கடைக்கு சென்று எளிதாக இணைத்துக்கொள்ளலாம்.