அஜித் 62 அறிவிப்பு எப்போது? – வெளியான தகவல்
துணிவு படத்தை அடுத்து அஜித் நடிக்கும் 62வது படத்தை லைகா நிறுவனம் தயாரிக்கிறது. அனிருத் இசையமைக்கும் இந்த படத்தை மகிழ்திருமேனி இயக்கப் போகிறார். இந்த படத்தின் அறிவிப்பு வெளியாகும் என்று கடந்த ஒரு மாதகாலமாகவே அஜித் ரசிகர்கள் எதிர்பார்த்து வருகின்றனர். இந்நிலையில் அஜித்குமாரின் தந்தை கடந்தவாரம் மரணம் அடைந்ததால் அஜித் 62 வது படத்தின் அறிவிப்பு தள்ளிப் போவது தெரியவந்தது.
இந்த நிலையில் லைகா நிறுவனத்தின் தமிழ் குமரன் கூறுகையில், ஏகே 62 படத்தின் நல்ல செய்தி அடுத்த மாதம் வருமென்று தெரிவித்துள்ளார். இதை அடுத்து அஜித் 62 ஆவது படத்தின் அறிவிப்பு ஏப்ரல் மாதம் வெளியிடப்பட்டு, மே மாதம் முதல் படப்பிடிப்பு தொடங்கும் என்பது உறுதியாகி இருக்கிறது. இப்படத்தின் படப்படிப்பை முடித்ததும் தனது இரண்டாவது கட்ட உலக பைக் சுற்றுப்பயணத்தை தொடங்குவதற்கு திட்டமிட்டுள்ளார் அஜித்குமார்.