எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
அமெரிக்காவின் லாஸ் ஏஞ்சல்ஸ் நகரில் நடந்த 95வது ஆஸ்கர் விருது விழாவில் சிறந்த ஒரிஜினல் பாடலுக்கான விருது நாட்டு நாட்டுவுக்கு கிடைத்தது. எஸ். ராஜமவுலி இயக்கத்தில் வெளியான ஆர்.ஆர்.ஆர். படத்தில் வந்த நாட்டு நாட்டு பாடலுக்கு ராம் சரணும், ஜூனியர் என்.டி.ஆரும் அசத்தலாக டான்ஸ் ஆடியிருந்தார்கள்.
நாட்டு நாட்டு ஸ்டெப்ஸ் படுவைரலானது. இந்நிலையில் தான் சிறந்த ஒரிஜினல் பாடலுக்கான ஆஸ்கர் விருது பெற்ற முதல் இந்திய பட பாடல் என்கிற பெருமையை பெற்றது நாட்டு நாட்டு.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் ஆஸ்கர் விருதை பெற ஆர்.ஆர்.ஆர். படக்குழு ரூ. 80 கோடி செலவு செய்ததாக தகவல் வெளியானது. மேலும் ஆஸ்கர் விருது விழாவில் கலந்து கொள்ள தலைக்கு ரூ. 20 லட்சம் கொடுத்து டிக்கெட் வாங்கியது ஆர்.ஆர்.ஆர். படக்குழு என்று பேச்சு கிளம்பியது.
Rajamouli: ஆஸ்கர் விழாவை காண ஆர்.ஆர்.ஆர். டீமுக்கு இலவச பாஸ் இல்ல: தலைக்கு ரூ. 20 லட்சம் கொடுத்த ராஜமவுலி?
தலைக்கு ரூ. 20 லட்சம் எல்லாம் கொடுக்கவில்லை என்று ஆர்.ஆர்.ஆர். படக்குழுவினர் விளக்கம் அளித்தார்கள். இந்நிலையில் ரூ. 80 கோடி மேட்டர் பற்றி ராஜமவுலியின் மகன் கார்த்திகேயா விளக்கம் அளித்துள்ளார்.
பேட்டி ஒன்றில் கார்த்திகேயா கூறியிருப்பதாவது,
ஆஸ்கர் காம்பெயினுக்காக ஆர்.ஆர்.ஆர். படக்குழு ஏகப்பட்ட பணம் செலவு செய்தது என்கிற வதந்தி எப்படி கிளம்பியது என்றே தெரியவில்லை. ரசிகர்களுக்கு படம் பிடித்திருந்ததால் ஆஸ்கர் விருதுக்காக காம்பெயின் செய்ய வேண்டியது இருந்தது. பப்ளிசிட்டி பட்ஜெட்டுக்கு ஏற்ப செலவு செய்தோம். எல்லாம் திட்டப்படி தான் நடந்தது.
பணம் கொடுத்து ஆஸ்கர் வாங்கலாம் என்பது ஜோக் ஆகும். ஆஸ்கரில் அனைத்துக்கும் ஒரு விதிமுறை இருக்கிறது. 95 ஆண்டுகளாக விருது வழங்கி வருகிறார்கள். பணம் கொடுத்து ரசிகர்களின் அன்பை பெற முடியுமா என்பதே என் கேள்வி.
ஆர்.ஆர்.ஆர். பற்றி ஸ்டீவன் ஸ்ஃபீல்பெர்க் மற்றும் ஜேம்ஸ் கேமரூன் சொன்ன வார்த்தைகளை வாங்க முடியாது, முடியுமா என்ன?. ரசிகர்கள் எங்களுக்கு நிறைய பப்ளிசிட்டி அளித்தார்கள்.
மேற்கில் ஆஸ்கர் காம்பெயினுக்காக பல ஸ்டுடியோக்களை குறி வைக்கிறார்கள் ஹாலிவுட் இயக்குநர்கள். எங்களுக்கு அந்த வாய்ப்பு கிடைக்கவில்லை. ஆஸ்கர் காம்பெயினுக்காக நாங்கள் போட்ட பட்ஜெட் ரூ. 5 கோடி. அதுவே எங்களுக்கு பெரிய தொகையாக தெரிந்தது.
பட்ஜெட்டை முடிந்த அளவுக்கு குறைக்க வேண்டும் என நினைத்தோம். மூன்று கட்டங்களாக செலவு செய்ய நினைத்தோம். முதல் கட்டமாக ரூ. 3 கோடி செலவு செய்தோம். நாமினேஷனுக்கு பிறகு பட்ஜெட்டை அதிகரித்தோம். மொத்த காம்பெயினுக்கும் ரூ. 5 கோடி முதல் ரூ. 6 கோடி வரை ஆகும் என நினைத்தோம். ஆனால் இறுதியில் ரூ. 8.5 கோடி செலவானது. நியூயார்க் மற்றும் லாஸ் ஏஞ்சல்ஸ் ஆகிய நகரங்களில் பல இடங்களில் படத்தை திரையிட வேண்டியதாகிவிட்டது என்றார்.
முன்னதாக ஆர்.ஆர்.ஆர். படத்துக்கு ஆஸ்கர் கிடைத்தது பற்றி இயக்குநர் தம்மாரெட்டி பரத்வாஜா கூறியதாவது,
SS Rajamouli, Oscars 2023: ஆஸ்கர் விருதுக்காக ரூ. 80 கோடி செலவு செய்தாரா ஆர்.ஆர்.ஆர். இயக்குநர் எஸ். ராஜமவுலி?
ஆஸ்கர் விருது பெற ராஜமவுலி ரூ. 80 கோடி செலவு செய்திருக்கிறார். ரூ. 600 கோடி செலவில் படம் எடுத்து அதை ஆஸ்கருக்காக விளம்பரம் செய்ய ரூ. 80 கோடி செலவு செய்திருக்கிறார்கள். ஆஸ்கர் விளம்பர செலவில் மட்டுமே 8 முதல் 10 படங்களை எடுக்கலாம் என்றார்.