நடிகர் விஜய்யின் 67 வது திரைப்படம் லியோ. இந்தப் படத்தை, மாநகரம், கைதி, மாஸ்டர், விக்ரம் உள்ளிட்ட படங்களை இயக்கிய லோகேஷ் கனகராஜ் இயக்கி வருகிறார். இந்தப் படத்தில் நடிகை த்ரிஷா, சஞ்சய் தத், அர்ஜூன், மிஷ்கின், கவுதம் மேனன், பிரியா ஆனந்த், மேத்யூ தாமஸ் உள்ளிட்ட பலர் நடித்து வருகின்றனர்.
எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
இப்படத்தின் படப்பிடிப்பு கடந்த 2 மாதங்களுக்கு முன்பு காஷ்மீரில் பூஜையுடன் தொடங்கியது. இதைத்தொடர்ந்து கடந்த இரண்டு மாதங்களாக கடும் குளிரிலும் படப்பிடிப்பு விறுவிறுப்பாக நடைபெற்று வந்தது. இந்நிலையில் லியோ படத்தின் படப்பிடிப்பு இன்று முதல் சென்னையில் நடைபெறும் என்று ஏற்கனவே தகவல் வெளியானது.
Samantha: விவாகரத்துதான் என்னை இப்படி மாத்திடுச்சி… ஒப்புக்கொண்ட சமந்தா!
சென்னை படப்பிடிப்பு முடிந்ததும் ஏப்ரல் மாதத்தில் ஹைத்ராபாத்தில் நடைபெறும் என்றும் கூறப்படுகிறது. ஹைத்ராபாத் படப்பிடிப்பில்தான் அர்ஜூன் பங்கேற்பார் என்றும் தகவல் பரவி வருகிறது. இதனிடையே சென்னையில் நடைபெறும் படப்பிடிப்பில் விஜய் வீடு போன்ற செட் போடப்பட்டு படப்பிடிப்பு நடத்தப்படுவதாக கூறப்படுகிறது.
லியோ படத்தில் விஜய் வீடு போன்ற செட் இடம்பெறுவது ரசிகர்களின் எதிர்பார்ப்பை எகிறச் செய்துள்ளது. இதனிடையே லியோ படத்தில் ஃபகத் ஃபாசில் நடிக்க உள்ளதாக சமீபத்தில் தகவல் வெளியானது. இதனை தொடர்ந்து லியோ படத்தில் தானும் நடிப்பதாக நடிகை காயத்ரி தனது டிவிட்டர் பக்கத்தில் தெரிவித்திருந்தார்.
Aishwarya Rajinikanth: ஐஸ்வர்யா வீட்டில் காணாம போனது எவ்ளோ? மேலும் 43 பவுன் நகைகள் மீட்பு.. பரபரப்பு!
இதன்மூலம் விஜய்யுடன் நடிக்க வேண்டும் என்ற தனது கனவு நிறைவேறி விட்டதாகவும் நடிகை காயத்ரி தனது டிவிட்டில் தெரிவித்திருந்தார். விக்ரம் படத்தில் நடித்த மேலும் பல பிரபலங்கள் லியோ படத்தில் கமிட் ஆகியுள்ளனர். லியோ படத்தில் நட்சத்திர பட்டாளங்களின் எண்ணிக்கையும் நாளுக்கு நாள் அதிகரித்து வருவது ரசிகர்களின் எதிர்பார்ப்பை அதிகரித்துள்ளது.
லியோ திரைப்படம் வரும் அக்டோபர் 19ஆம் தேதி ரிலீஸ் ஆகும் என அறிவிக்கப்பட்டுள்ளது. இந்தப் படத்தை செவன் ஸ்க்ரீன் ஸ்டுடியோஸ் சார்பில் லலித் குமார் தயாரிக்கிறார். இப்படத்திற்கு அனிருத் இசையமைக்கிறார். லியோ படத்தின் அப்டேட்டுகள் தொடர்ந்து வெளியாகி வரும் நிலையில் புதிய தகவல்களால் அடுத்த கட்ட அப்டேட் என்னவாக இருக்கும் என்ற எதிர்பார்ப்பும் ரசிகர்கள் மத்தியில் எழுந்துள்ளது குறிப்பிடத்தக்கது.
‘நான் மாறிவிட்டேன்’ சமந்தா உருக்கம்!