சென்னை: ஆருத்ரா கோல்டு நிறுவன மோசடி வழக்கில் நடிகரும், பாஜக நிர்வாகியுமான ஆர்.கே.சுரேஷுக்கு போலீசார் நோட்டீஸ் அனுப்பியுள்ளனர். ஆர்.கே.சுரேஷ் வீட்டிற்கு சென்ற பொருளாதார குற்றப்பிரிவு போலீசார் அவரது வீட்டில் நோட்டீசை வழங்கினர். ஆருத்ரா இயக்குநர் ஹரீஷிடம் நடத்திய விசாரணையில் ஆர்.கே.சுரேஷ்க்கும் மோசடியில் தொடர்பிருப்பதாக தகவல் வெளியானது. ஹரீஷின் வாக்குமூலம் அடிப்படையில் ஆர்.கே.சுரேஷிடம் விசாரிக்க பொருளாதார குற்றப்பிரிவு போலீசார் முடிவு செய்துள்ளனர்.
