மீண்டும் விஜய் மகன் சஞ்சய்க்கு தேடிவந்த ஹீரோ வாய்ப்பு… ஹீரோயின் இவங்க தானா?

இயக்குநர் கனவில் சஞ்சய்

தமிழ்த் திரையுலகின் டாப் ஹீரோக்களில் ஒருவர் தளபதி விஜய். தற்போது லோகேஷ் கனகராஜ் இயக்கும் லியோ படத்தில் நடித்து வருகிறார். இவரது மகன் ஜோசன் சஞ்சய் கல்லூரி படிப்பை முடித்துவிட்ட நிலையில், சினிமாவில் ஹீரோவாக நடிக்கலாம் என எதிர்பார்க்கப்பட்டது. ஆனால், அவரோ இயக்குநராக வேண்டும் என்பதே தனது கனவு என தனித்து பறந்துகொண்டிருக்கிறார்.

மீண்டும் ஹீரோ வாய்ப்பு

மலையாளத்தில் பிரேமம் திரைப்படம் மூலம் பிரபலமான இயக்குநர் அல்போன்ஸ் புத்திரன், தனது படத்தில் ஹீரோவாக நடிக்க சஞ்சய்க்கு அழைப்பு விடுத்தார். இதுகுறித்து அவர் விஜய்யிடம் கேட்டதற்கு, சஞ்சய்யின் முடிவு தான் தனது முடிவும். அதனால் அவரிடமே கேட்டுக்கொள்ளுங்கள் என்றுவிட்டாராம். அதேபோல், இயக்குநர் சுதா கொங்கராவும் சஞ்சய்யை ஹீரோவாக நடிக்க வைக்க விருப்பம் தெரிவித்து இருந்தார். ஆனால், இந்த இரண்டு வாய்ப்புகளையும் விஜய்யின் மகன் சஞ்சய் ஏற்றுக்கொள்ளவில்லை எனக் கூறப்படுகிறது.

உப்பெண்ணா தமிழ் ரீமேக்

இந்நிலையில் தெலுங்கில் வெளியான உப்பெண்ணா படத்தின் தமிழ் ரீமேக்கில், சஞ்சய்யை ஹீரோவாக நடிக்க வைக்க பேச்சுவார்த்தை நடைபெற்று வருகிறதாம். புச்சி பாபு சனா இயக்கத்தில் 2021ம் ஆண்டு வெளியான உப்பெண்ணா படத்தில் வைஷ்ணவ் தேஜ், விஜய் சேதுபதி, கிருத்தி ஷெட்டி உள்ளிட்ட பலர் நடித்திருந்தனர். மினிமம் பட்ஜெட்டில் உருவான இந்தப் படம் ரூ.100 கோடி வரை வசூலித்தது. இந்தப் படத்தின் தமிழ் ரீமேக்கில் சஞ்சய் நடித்தால் நன்றாக இருக்கும் என சொல்லப்படுகிறது.

சஞ்சய் ஹீரோயின்

அதேபோல், சஞ்சய் ஜோடியாக கிருத்தி ஷெட்டியை நடிக்க வைக்கவும் பேச்சுவார்த்தை நடைபெற்று வருகிறதாம். தெலுங்கு உப்பெண்ணாவில் ஹீரோயினாக நடித்த கிருத்தி ஷெட்டி, தமிழில் சஞ்சய் ஜோடியாகவும் நடிக்கவுள்ளாராம். ஆனாலும், இதுபற்றி அதிகாரப்பூர்வமான அறிவிப்புகள் எதுவும் இன்னும் வெளியாகவில்லை என்பது குறிப்பிடத்தக்கது. இதனிடையே ஏற்கனவே சில குறும்படங்களை இயக்கியுள்ள சஞ்சய், தற்போது தனது புதிய ப்ராஜக்ட்டை தொடங்க உள்ளாராம். அதனால், அவர் ஹீரோவாக நடிக்க சம்மதிப்பாரா என்பது சந்தேகமே எனவும் சொல்லப்படுகிறது.