அ.தி.மு.க.வில் உறுப்பினர் சேர்க்கை இன்று தொடங்குகிறது. இதற்காக தனியாக விண்ணப்ப படிவம் அச்சிடப்பட்டுள்ளது.
இந்த விண்ணப்ப படிவங்களை இன்று முதல் தலைமை கழகத்தில் பெற்றுக்கொள்ளலாம். ஒரு படிவத்தின் விலை ரூ.10. ஒரு படிவத்தில் 25 உறுப்பினர்களை சேர்க்கலாம். ஒவ்வொரு உறுப்பினரும் ரூ.10 கட்டணம் செலுத்த வேண்டும். ஏற்கனவே உறுப்பினர்களாக இருப்பவர்களும் விண்ணப்பிக்க வேண்டும். அவர்களுக்கு உறுப்பினர் அட்டை புதுப்பித்து வழங்கப்படும்.
புதிய உறுப்பினர்களையும் பெருமளவில் சேர்க்க முடிவு செய்யப்பட்டுள்ளது. விண்ணப்பத்தில் பெயர், வயது, பிறந்த தேதி, படிப்பு, வேலை, முகவரி உள்ளிட்ட எல்லா விபரங்களும் கேட்கப்பட்டிருக்கும். ஒவ்வொரு மாவட்டத்திலும் ஏற்கனவே உறுப்பினராக இருப்பவர்கள் மட்டு மல்லாமல் அந்த பகுதியில் கூடுதல் இளைஞர்களையும், இளம்பெண்களையும் கட்சிக்குள் கொண்டு வர திட்டமிட்டுள்ளதாக கூறப்படுகிறது.
இதையொட்டி மாவட்ட செயலாளர்கள் ஒவ்வொருவருக்கும் செயற்குழு கூட்டத்தின்போது எவ்வளவு உறுப்பினர்களை சேர்க்க வேண்டும் என்று இலக்கு நிர்ணயிக்கப்பட இருப்பதாக கூறப்படுகிறது.