எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
அஜித் மற்றும் விஜய் சேர்ந்து நடித்த படம் ராஜாவின் பார்வையிலே. அந்த பிறகு அவர்கள் சேர்ந்து நடித்ததே இல்லை. ஆனால் அஜித்தையும், விஜய்யையும் ஒரே படத்தில் பார்க்கும் ஆசை ரசிகர்களுக்கு இல்லாமல் இல்லை.
தல, தளபதி படம் வரணும், அதை நாங்க பார்க்கணும் என ரசிகர்கள் பல காலமாக கூறி வருகிறார்கள். ஆனால் அவர்களின் ஆசை இன்னும் நிறைவேறிய பாடில்லை. அஜித், விஜய்யை வைத்து ஒரு படம் பண்ண பல ஆண்டுகளுக்கு முன்பே ஸ்க்ரிப்ட் எழுதினார் ஏ.ஆர். முருகதாஸ். அஜித்தையும், விஜய்யையும் வைத்து தனித் தனியாக படம் எடுத்து வெற்றியும் கண்டவர்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதனால் அவர் அஜித்தையும், விஜய்யையும் சேர்த்து படம் எடுத்தால் கண்டிப்பாக ஹிட்டாகும் என்று நம்பப்பட்டது. ஆனால் ஸ்க்ரிப்ட் இன்னும் ஸ்க்ரிப்ட்டாகவே இருக்கிறது. ஆண்டுகள் ஓடுகிறதே தவிர அந்த ஸ்க்ரிப்ட் முருகதாஸின் மேஜையை விட்டு வெளியே வரவில்லை.
இந்நிலையில் தான் பேட்டி ஒன்றில் அந்த ஸ்க்ரிப்ட் குறித்து முருகதாஸிடம் கேட்கப்பட்டது. அதற்கு அவர் கூறியதாவது,
அஜித் சார் மற்றும் விஜய் சாரை வைத்து படம் பண்ணுவது சாத்தியம் இல்லை. அஜித் சாரை வைத்து படம் எடுத்தால் ஒரு பிசினஸ். விஜய் சாரை வைத்து படம் எடுத்தால் ஒரு பிசினஸ். இரண்டு பேரையும் சேர்த்து படம் எடுத்தால் அந்த பிசினஸ் இரண்டு மடங்காகும் என்று இல்லை.
இருவரின் டேட்ஸ் தான் வேஸ்ட் ஆகும். அஜித் சார் ரசிகன் பணம் கொடுத்து டிக்கெட் எடுத்து தியேட்டருக்கு வந்தால் அவரை தான் அதிக நேரம் பார்க்க விரும்புவார். அதே போன்று தான் விஜய் சாரின் ரசிகர்களும். அந்த பேலன்ஸ் கஷ்டம். அதற்கு பதில் அஜித் சாரை வைத்து ஒரு படம், விஜய் சாரை வைத்து ஒரு படம் எடுத்துவிடலாம்.
AR Murugadoss: சூப்பர் ஸ்டார் அப்பவே சொன்னார் நான் கேட்கல: ஏ.ஆர். முருகதாஸ்
அஜித், விஜய் சாரை வைத்து படம் எடுக்க நான் எழுதிய ஸ்க்ரிப்ட் இன்னும் அப்படியே இருக்கிறது என்றார்.
தயவு செய்து அந்த ஸ்க்ரிப்ட்டை தூசி தட்டி எடுத்து அஜித், விஜய்யை வைத்து படம் பண்ணுங்க சார் என ரசிகர்கள் முருகதாஸிடம் கேட்டிக் கொண்டிருக்கிறார்கள்.
அஜித்தை வைத்து மங்காத்தா படத்தை எடுத்த வெங்கட் பிரபுவுக்கு தல, தளபதியை வைத்து படம் எடுக்கும் ஆசை இருக்கிறது. அந்த ஆசையை அவர் பலமுறை வெளிப்படுத்தியும் எதுவும் நடக்கவில்லை. மங்காத்தா 2 படத்தில் அஜித்தும், விஜய்யும் சேர்ந்து நடிக்க வேண்டும். அவர்களை வைத்து மங்காத்தா 2 படத்தை எடுங்க வெங்கட் பிரபு என ரசிகர்கள் கோரிக்கை விடுத்த வண்ணம் இருக்கிறார்கள். வெங்கட் பிரபுவும் ரெடி தான். ஆனால் மங்காத்தா 2 தற்போதைக்கு வருவதாக தெரியவில்லை.
இந்நிலையில் தான் அஜித் மற்றும் விஜய்யை சேர்த்து வைத்து படம் எடுப்பது சாத்தியமே இல்லை என்று முருகதாஸ் கூறியதை கேட்டு ரசிகர்கள் கவலை அடைந்துள்ளனர்.