எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
முக்கியமான படம் சூப்பர்ஸ்டார் ரஜினிகாந்த் தற்போது நெல்சனின் இயக்கத்தில் ஜெயிலர் திரைப்படத்தில் நடித்து வருகின்றார். இப்படம் ரஜினிக்கும் சரி, நெல்சனுக்கும் சரி மிக முக்கியமான படமாகும். இருவருக்கும் தற்போது கட்டாயம் ஒரு வெற்றி தேவை என்பதால் இப்படத்தை மிகவும் எதிர்பார்த்து நம்பியிருக்கின்றனர். ரஜினியின் நடிப்பில் சமீபகாலமாக வெளியான படங்கள் சொல்லிக்கொள்ளும் அளவிற்கு வெற்றிகளை பெறவில்லை. அதைப்போல நெல்சன் இயக்கத்தில் கடைசியாக வெளியான பீஸ்ட் திரைப்படம் கலவையான விமர்சனங்களையே பெற்றது. எனவே இருவரும் ஜெயிலர் படத்தின் மூலம் வெற்றிப்பாதைக்கு திரும்பும் முனைப்பில் இருக்கின்றனர்
இழுபறி ஜெயிலர் படத்தின் அதிகாரபூர்வ அறிவிப்பு கடந்தாண்டே வெளியான நிலையில் படத்தின் படப்பிடிப்பு பல மாதங்கள் கழித்தே துவங்கப்பட்டது. இதற்கிடையில் நெல்சனின் பீஸ்ட் திரைப்படம் எதிர்பார்த்த வெற்றியை பெறாததால் அவரை ஜெயிலர் படத்திலிருந்து ரஜினி நீக்க இருப்பதாகவும் வதந்திகள் பரவின. ஆனால் நெல்சனின் மீது நம்பிக்கை வைத்து தன்னை ஒப்படைத்தார் ரஜினி. இருந்தாலும் ஜெயிலர் படத்தின் கதை விவாதத்தில் ரஜினி கண்டிப்பாக இருந்து பல திருத்தங்களை சொல்லி வந்ததால் இப்படத்தின் படப்பிடிப்பு துவங்க தாமதமானதாக தகவல்கள் வருகின்றன. கடந்தாண்டு ஆகஸ்ட் மாதம் துவங்கப்பட்ட இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது
எதிர்பார்ப்பு ஜெயிலர் திரைப்படத்தில் யோகி பாபு, ரம்யா கிருஷ்ணன், வசந்த் ரவி ஆகியோர் முதலில் நடிப்பதாக அறிவிக்கப்பட்டது. அதன் பின் மலையாளத்தில் இருந்து மோகன்லால், கன்னடத்தில் இருந்து ஷிவ்ராஜ் குமார், ஹிந்தியில் இருந்து ஜாக்கி ஷாரூப் என பல சூப்பர்ஸ்டார் நடிகர்களை ஜெயிலர் படத்தில் கொண்டு வந்து இப்படத்தை ஒரு பான் இந்திய படமாக மாற்றிவிட்டனர். இதன் பின் இப்படத்தின் மீதான எதிர்பார்ப்பு ரசிகர்கள் மத்தியில் அதிகரிக்க துவங்கியது. மேலும் இப்படத்திலிருந்து வெளியான போஸ்டர், கிலிம்ப்ஸ் ஆகியவை மேலும் படத்தின் மீதான எதிர்பார்ப்பை அதிகரிக்க தற்போது ரஜினி ரசிகர்கள் உட்பட பொதுவான ரசிகர்கள் படத்தை எதிர்பார்த்து ஆவலாக இருக்கின்றனர். மேலும் ஜெயிலர் படத்தின் மூலம் ரஜினி மிகப்பெரிய வசூல் சாதனையை செய்ய திட்டமிட்டுள்ளதால் தான் பல மொழி நடிகர்களை இப்படத்தில் களமிறக்கியதாகவும் சிலர் பேசி வருகின்றனர்
கண்டிப்பாக ஹிட் தான் இந்நிலையில் சமீபத்தில் இப்படத்தில் இருக்கும் ஸ்பெஷல் விஷயங்கள் பற்றி ஸ்டண்ட் மாஸ்டர் ஸ்டண்ட் சிவா பேசியுள்ளார். அதாவது ஜெயிலர் திரைப்படத்தில் ஸ்டண்ட் காட்சிகள் மற்றும் கிளைமாக்ஸ் காட்சி தரமாக வந்துள்ளது. எனவே இப்படம் கண்டிப்பாக மிகப்பெரிய வெற்றியை பெரும் என்றுள்ளார் ஸ்டண்ட் சிவா. இது ரஜினி ரசிகர்களை உற்சாகத்தில் ஆழ்த்தியுள்ளது. இந்நிலையில் ஜெயிலர் திரைப்படம் ஆக்ஷன் கலந்த டார்க் காமெடி படம் என ஒரு சில தகவல்கள் வந்துள்ளன. நெல்சனின் பலமே டார்க் காமெடி ஜானர் தான் என்பதாலும், ரஜினிக்காக காமெடி பிளஸ் ஆக்ஷன் படமாக ஜெயிலர் திரைப்படத்தை நெல்சன் உருவாக்கி இருப்பதாகவும் செய்திகள் வந்தன. எனவே இப்படம் கண்டிப்பாக ஒரு வெற்றிப்படமாக ரஜினிக்கும், நெல்சனுக்கும் அமையும் என எதிர்பார்க்கப்படுகின்றது குறிப்பிடத்தக்கது