எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
Jason Sanjay movies: எஸ்.ஜே. சூர்யா போன்று அட்ஜஸ்ட் செய்வாரா தளபதியின் மகன் ஜேசன் சஞ்சய் என்கிற கேள்வி எழுந்திருக்கிறது.
விஜய் மகன்பிரபலங்களின் வாரிசுகள் அவர்கள் வழியில் சினிமாவுக்கு வருவது ஒன்றும் புதிது இல்லை. கோலிவுட்டின் முன்னணி நடிகர்களில் ஒருவராக இருக்கும் தளபதி விஜய்யின் மகன் ஜேசன் சஞ்சய் தன் கெரியரை துவங்க தயாராகிவிட்டார். ஆனால் அவருக்கு கேமராவுக்கு முன்பு அல்ல, கேமராவுக்கு பின்பு இருக்கவே ஆசை. ஆம், இயக்குநராக ஆசைப்படுகிறார் ஜேசன் சஞ்சய். மகனே உன் விருப்பமே என் விருப்பம் என கூறிவிட்டார் விஜய்.
ஹீரோஇயக்குநராகும் முயற்சியில் ஈடுபட்டிருக்கும் ஜேசன் சஞ்சயை தேடி ஹீரோ வாய்ப்புகள் வந்து கொண்டே இருக்கிறது. இல்ல சார் நான் படம் எடுக்கப் போகிறேன் என ஜேசன் சஞ்சய் கூறினாலும் அதை இயக்குநர்கள் கேட்பதாக இல்லை. இந்நிலையில் தான் தெலுங்கில் சூப்பர் டூப்பர் ஹிட்டான உப்பேனா படத்தின் தமிழ் ரீமேக்கில் ஹீரோவாக நடிக்கும் வாய்ப்பு ஜேசன் சஞ்சய்யை தேடி வந்திருக்கிறது.
உப்பேனாவிஜய் சேதுபதி வில்லனாக நடித்த உப்பேனா படத்தில் க்ரித்தி ஷெட்டி தான் ஹீரோயின். தமிழிலும் க்ரித்தி தான் ஹீரோயினாம். ஆனால் உப்பேனா ரீமேக்கில் நடிக்க ஜேசன் சஞ்சய் ஒப்புக்கொள்வாரா என்பதே பெரிய கேள்வி. இந்நிலையில் தான் நடிப்பில் அசத்தி வரும் எஸ்.ஜே. சூர்யா வழியில் செல்வாரா ஜேசன் சஞ்சய் என்கிற கேள்வி எழுந்துள்ளது.
Vijay: சூப்பர் ஹிட் பட ரீமேக்கில் நடிக்கும் விஜய் மகன், விஜய் சேதுபதி ‘மகள்’?
எஸ்.ஜே. சூர்யாநடிகராகும் ஆசையில் கோடம்பாக்கத்துக்கு வந்தார் எஸ்.ஜே. சூர்யா. ஆனால் இயக்குநராகிவிட்டார். தொடர்ந்து படங்களை இயக்கி வந்த அவர் தற்போது நடிப்பில் மட்டும் கவனம் செலுத்தி வருகிறார். அதே போன்று இயக்குநராகும் ஆசையில் இருக்கும் ஜேசன் சஞ்சய் ஹீரோவாகிவிட்டு அதன் பிறகு கேமராவுக்கு பின்னால் நிற்பாரா என்கிற கேள்வி எழுந்துள்ளது.
நடிப்புஜேசன் குறும்படங்களை இயக்கியதுடன், அதில் நடிக்கவும் செய்திருக்கிறார். அவரின் நடிப்பு தளபதி ரசிகர்களுக்கு பிடித்திருக்கிறது. அப்படி இருக்கும்போது தன்னை தேடி வரும் ஹீரோ வாய்ப்புகளை ஏற்று ஒரு ரவுண்டு வருவாரா என்கிற எதிர்பார்ப்பு தளபதி ரசிகர்களுக்கு இல்லாமல் இல்லை. ஜேசன் வேண்டுமானால் தன்னை இயக்குநராக பார்க்கலாம். ஆனால் தளபதி ரசிகர்களோ அவரை ஹீரோவாக தான் பார்க்கிறார்கள்.
ஹீரோவும், இயக்குநரும்ஒரு ஹீரோ படம் இயக்கக் கூடாது என்று யாரும் சொல்லவில்லை. அதனால் அவர் ஹீரோவாக நடித்துக் கொண்டே படமும் இயக்கலாம். நடிகராக திரையுலகிற்கு வந்தவர்கள் இயக்குநர்கள் ஆனதை பார்த்திருக்கிறோம். ஜேசனும் தன்னை தேடி வரும் ஹீரோ வாய்ப்புகளை வேண்டாம் என்று சொல்லாமல் நடித்துக் கொண்டே படங்களையும் இயக்கினால் முதலில் சந்தோஷப்படுவது விஜய் ரசிகர்கள் தான்.