நீட் பயிற்சி மேற்கொண்டிருந்த மாணவி ரயில் முன் பாய்ந்து தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.
நெய்வேலி என்எல்சி ஒப்பந்த தொழிலாளர் உத்திராபதி என்பவரின் மகள் நிஷா தனியார் நீட் பயிற்சி மையத்தில் படித்து வந்தார். இவர் கடந்தாண்டு நீட் தேர்வில் தோல்வி அடைந்த நிலையில் மீண்டும் பயிற்சி வகுப்புக்கு சென்று வந்தார்.
இந்நிலையில் நீட் தேர்வு பயிற்சி மையம் நடத்திய மாதிரி தேர்வில் குறைந்த மதிப்பெண் பெற்றதால் அவர் மன உளைச்சலில் இருந்ததாக கூறப்படுகிறது.
இந்நிலையில் வடலூர் ரயில் நிலையம் அருகே தண்டவாளத்தில் தலை வைத்து நிஷா தற்கொலை செய்து கொண்டார். நீட் தேர்வுக்கு தயாரான மாணவி தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.
தகவல் அறிந்து நிகழ்விடத்திற்கு சென்ற போலீஸார் உடலை அரசு மருத்துவமனைக்கு அனுப்பி வைத்தனர். மேலும் இந்த விவகாரம் குறித்து வழக்குப்பதிவு செய்து விசாரணை நடத்தி வருகின்றனர்.
newstm.in