தமிழ் சினிமாவில் தற்போதையை ஹாட் டாபிக்காக இருப்பவர் இயக்குனர் வெற்றிமாறன். தொடர் வெற்றி படங்களை கொடுத்து திரையுலகில் தவிர்க்க இயலாத இடத்தை பிடித்துள்ளார் இவர். தனது படங்களுக்கு என தனி ரசிகர்கள் பட்டாளம் கொண்ட வெகு சில இயக்குனர்களில் இவரும் ஒருவர். வெற்றிமாறனின் ‘விடுதலை’ படம் வெளியாகி பல அதிர்வலைகளை ஏற்படுத்தி வரும் நிலையில் ரசிகர்கள் பெரிதும் எதிர்பார்க்கும் தனது புதிய படத்தின் வேறலெவல் அப்டேட்டை கொடுத்துள்ளார் வெற்றிமாறன்.
எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழ் திரையுலகின் பேவரைட் காம்போவான தனுஷ், வெற்றிமாறன் கூட்டணியில் கடைசியாக ‘அசுரன்’ படம் வெளியானது. பூமணியின் வெக்கை எனும் நாவலை தழுவி உருவான இந்தப்படம் பஞ்சமி நில விவகாரம் குறித்தும், கல்வியின் அவசியம் குறித்தும் பேசியது. ‘அசுரன்’ படத்தின் பிரம்மாண்ட வெற்றிக்கு பிறகு சூரியை கதையின் நாயகனாக கொண்டு ‘விடுதலை’ படத்தை இயக்க ஆரம்பித்தார் வெற்றிமாறன்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
விஜய் சேதுபதி, இளையராஜா என புதிய கூட்டணியுடன் களமிறங்கினார் வெற்றிமாறன். சிறிய பட்ஜெட்டில் துவங்கப்பட்ட இந்தப்படத்தின் பட்ஜெட் பல மடங்கு எகிறியதுடன் இரண்டு பாகங்களாக உருவாக்கவும் முடிவு செய்தார் வெற்றிமாறன். இதனையடுத்து இந்தப்படத்தின் முதல் பாகம் கடந்த வாரம் வெளியாகி அரசியல் கட்சி தலைவர்கள், ரசிகர்கள், சினிமா விமர்சகர்கள் உள்ளிட்ட அனைத்து தரப்பினர் மத்தியிலும் பாராட்டுக்களை அள்ளி வருகிறது.
இந்நிலையில் வெற்றிமாறன், தனுஷ் அடுத்ததாக எப்போது இணைவார்கள் என ரசிகர்கள் ஆர்வமுடன் காத்திருக்கின்றனர். ஏனென்றால் ‘வடசென்னை’ படத்தின் இரண்டாம் பாகம் அறிவித்து பல ஆண்டுகள் கழிந்துவிட்டது. இந்தப்படத்திற்கு பின்னர் வெளியான ‘பொன்னியின் செல்வன்’ படத்தின் இரண்டாம் பாகம் விரைவில் இருக்கிறது. இப்படியிருக்கையில் ‘வடசென்னை’ படத்தின் இரண்டாம் பாகம் குறித்த எந்தவித அப்டேட்டும் வெளியாகாதது குறித்து ரசிகர்கள் தொடர்ந்து கேட்டு வருகின்றனர்.
கலாஷேத்ரா ஆசிரியருக்கு சப்போர்ட் செய்த பிக்பாஸ் அபிராமி: கொதிந்தெழுந்த சின்மயி.!
இதனையடுத்து தான் வடசென்னை இரண்டாம் பாகம் குறித்த பேச்சுக்கள் தற்போது சூடுபிடிக்க துவங்கியுள்ளன. இந்நிலையில் ராகவா லாரன்சின் ‘ருத்ரன்’ டிரெய்லர் வெளியீட்டு விழாவில் கலந்துக்கொண்ட இயக்குனர் வெற்றிமாறன் பேசுகையில், விடுதலை பார்ட் 2 மற்றும் வாடிவாசல் பட வேலைகள் முடிந்ததும் ‘வடசென்னை 2’ துவங்கும் என தெரிவித்துள்ளார். இதனால் ரசிகர்கள் குஷியாகியுள்ளனர்.
‘விடுதலை பார்ட் 2’ படத்தின் பெரும்பாலான காட்சிகள் படமாக்கப்பட்டுவிட்டதால் ‘வாடிவாசல்’ படம் விரைவில் துவங்கும் என எதிர்பார்க்கப்படுகிறது. சூர்யா நடிப்பில் கலைப்புலி தாணு தயாரிப்பில் இந்தப்படம் உருவாகவுள்ளது. நீண்ட நாட்களாக இந்தப்படத்திற்காக சூர்யா ரசிகர்கள் ஆர்வமுடன் காத்திருக்கின்றனர். ‘வாடிவாசல்’ படத்தை முடித்த கையோட ‘வடசென்னை 2’ படத்தின் வேலைகள் துவங்கும் என எதிர்பார்க்கப்படுகிறது.
Akshra Singh: பிக்பாஸ் பிரபலத்தின் ஆபாச வீடியோ இணையத்தில் லீக்.?: அதிர்ச்சியில் ரசிகர்கள்.!