இந்தியாவின் அதிவேக ரயில் சேவையாக வந்தே பாரத் எக்ஸ்பிரஸ் ரயில் கடந்த 2019ஆம் ஆண்டு முதல் அறிமுகம் செய்யப்பட்டு வருகிறது. இதுவரை 14 ரயில்கள் பயன்பாட்டிற்கு வந்துள்ளன. அதில், நியூ டெல்லி டூ வாரணாசி, நியூ டெல்லி டூ வைஷ்ணவி தேவி கட்ரா, மும்பை சென்ட்ரல் டூ காந்தி நகர், சென்னை சென்ட்ரல் டூ மைசூரு, விசாகப்பட்டினம் டூ செகந்திராபாத், மும்பை டூ சாய் நகர் ஸ்ரீரடி,
வந்தே பாரத் எக்ஸ்பிரஸ்
செகந்திராபாத் டூ திருப்பதி, சென்னை சென்ட்ரல் டூ கோவை, டெல்லி டூ அஜ்மர் ஆகியவை முக்கியத்துவம் பெற்று விளங்குகின்றன. அடுத்தகட்டமாக நியூ ஜல்பைகுரி டூ கவுகாத்தி, பாட்னா டூ ராஞ்சி ஆகிய இரண்டு திட்டங்கள் தயாராக இருக்கின்றன. தற்போது சோதனை ஓட்டம் நடந்து வரும் நிலையில் விரைவில் பயன்பாட்டிற்கு கொண்டு வர திட்டமிடப்பட்டுள்ளது.
புதிதாக 31 வழித்தடங்கள்
அனைத்து ரயில்களையும் பிரதமர் மோடி முன்னின்று தொடங்கி வைத்து வருகிறார். அடுத்தகட்டமாக 31 வழித்தடங்களில் வந்தே பாரத் எக்ஸ்பிரஸ் ரயிலை இயக்க ஆய்வுகள் மேற்கொள்ளப்பட்டு வருகின்றன. இவை அனைத்தும் தற்போது இந்திய ரயில்வே நிர்வாகத்தின் பரிந்துரை பட்டியலில் இருக்கின்றன. அதில் தமிழகம் பயன்பெறும் வகையில் 7 திட்டங்கள் இருப்பதாக தகவல்கள் தெரிவிக்கின்றன. அவை,
பெங்களூரு டூ கோவைபெங்களூரு டூ கன்னியாகுமரிசென்னை எழும்பூர் டூ கன்னியாகுமரிசென்னை எழும்பூர் டூ மதுரைசென்னை சென்ட்ரல் டூ எர்ணாகுளம்சென்னை சென்ட்ரல் டூ செகந்திராபாத்சென்னை சென்ட்ரல் டூ விஜயவாடா
சென்னை டூ கோவை
ஆகியவை ஆகும். இதில் பெங்களூரு டூ கோவை வந்தே பாரத் எக்ஸ்பிரஸ் திட்டம் மிகுந்த முக்கியத்துவம் பெறுகிறது. கடந்த ஏப்ரல் 8ஆம் தேதி தான் சென்னை சென்ட்ரலில் இருந்து கோவைக்கு வந்தே பாரத் எக்ஸ்பிரஸ் ரயில் பயன்பாட்டிற்கு வந்தது. இந்த இரண்டு நகரங்களும் வர்த்தக ரீதியாக முன்னேற்றப் பாதையில் சென்று கொண்டிருக்கின்றன.
மேற்கு மண்டல வளர்ச்சி
வந்தே பாரத் எக்ஸ்பிரஸ் சேவையானது தமிழகத்தின் மேற்கு மண்டலத்தை அடுத்தகட்டத்திற்கு கொண்டு செல்லும் மிகவும் முக்கிய திட்டமாக பார்க்கப்படுகிறது. இந்நிலையில் கோவையில் இருந்து நாட்டின் ஐடி தலைநகராக விளங்கும் பெங்களூருவிற்கு வந்தே பாரத் எக்ஸ்பிரஸ் சேவையை அமல்படுத்த ஆலோசிக்கப்பட்டு வருகிறது. இதற்கு பொதுமக்கள் மத்தியில் பெரிதும் வரவேற்பு கிடைக்கும் எனச் சொல்லப்படுகிறது.
ஐடி தலைநகர் பெங்களூரு
தமிழகத்தில் சென்னைக்கு அடுத்தபடியாக ஐடி நிறுவனங்களின் வருகையில் வேகமாக வளர்ந்து வரும் நகரமாக கோவை விளங்குகிறது. இங்கு பன்னாட்டு நிறுவனங்கள் முதலீடு செய்ய ஆர்வம் காட்டி வருகின்றன. ஸ்டார்ட்-அப் நிறுவனங்களின் முதலீட்டிற்கு சிறப்பான இடத்தை பிடித்துள்ளது. இதையொட்டி நவீன வசதிகள் கொண்ட மால்கள், பொழுதுபோக்கு அம்சங்கள் வரிசை கட்டி வந்த வண்ணம் உள்ளன.
பெங்களூருவில் ஐடி நிறுவனங்கள் நிரம்பி வழியில் நிலையில், புதிய நிறுவனங்கள் கோவை பக்கம் திரும்பினால் தமிழக மக்களுக்கு வரப்பிரசாதமாக அமையும். இத்தகைய சூழலில் கோவைக்கு 2வது வந்தே பாரத் எக்ஸ்பிரஸ் ரயில் சேவை வருவது வேற லெவல் வளர்ச்சிக்கு வித்திடும் என்பதில் சந்தேகமில்லை.